As jy nuuskierig is

As jy nuuskierig is

Rose Friesling
Tannie Rose Friesling vertel van die padmakers en die groot klip.

My oupa-hulle was padmakers. En hulle het in die veld in gekom, toe kom hulle by ‘n groot klip. En toe hulle by die klip kom het hulle gesit en eet, toe’s daar geskryf op die klip – in Hollands – “O, wat ‘n wonder, draai my om en kyk van onder.”
En hulle is toe mos nuuskierig! En hulle los toe die kos en goete, en hulle begin die klip te rol om die klip nou na onder te kry. En toe hulle nou so klaar gerol is en moeg dat hy nou na onder toe is, toe staan daar geskryf op die klip: “O ben ik bly, nou lê ek op my ander sy!”
Hulle sê hulle het maar nou so klaar geëet en als, maar voor hulle toe nou weer vertrek verder toe gaan draai hulle hom weer om sodat die volgende mense weer kan sukkel!

As jy nuuskierig is
Rose Friesling
Skrywer/verteller: Tannie Rose Friesling (75) Promosa, Potchefstroom
Kopiereg: Storiewerf
Illustreerder: Henrico Greyling