Niemand weet regtig enigiets van die nuweling af nie, behalwe dat sy naam Rudiger is en dat hy vir Rachelle én Japie sommer op die eerste dag mooi op hulle plekke gesit het. Die meisies is sommer gou almal gek oor die nuwe hunk in Laerskool Reënboogrant. Shani dink hy is so koel soos ’n ysblokkie en dit is eenvoudig incredible wat hy met Japie aangevang het. Dis net Ans, goeie vriendelike Ans, wat besef dat Rudiger glad nie gelukkig lyk nie. En dis ook net sy wat nie te midde van al die aksie vergeet om te wonder waarom Rudiger dan in soveel skole was nie … Rudiger deel ’n groot geheim met Ans, ’n geheim wat opwindend en gevaarlik en ook ’n bietjie hartseer is – ’n geheim wat Ans se lewe vir altyd kan verander …
Reënboogrant Maats