Mama Jumbo, `n olifant met `n hart so groot soos Afrika, kom in Zanzibarstraat aan en besluit op die plek om vir haar `n huis te bou. In vyf prettige hoofstukke stel Niki Daly die leser bekend aan Mama Jumbo se nuwe bure – `n klompie kleurvolle karakters wat kinders se tone sal laat omkrul van lekkerkry. Welkom in Zanzibarstraat!
Niki Daly se hoë dunk van kinders word altyd pragtig weerspieël in die boeke wat hy vir hulle skep. Hy het talle plaaslike en oorsese toekennings verower vir sy liriese skryfwerk en humoristiese illustrasies.