Alana Bailey
 
Jan 2007


skrywers

storiemakers


 

 

Alana Bailey is die skrywer van Die Prinses van die Afrikavlaktes.
"Lank, lank gelede was daar 'n prinses wat net so mooi was soos die wye grasvlaktes van haar land."

Alana Bailey is op 21 September 1965 in Krugersdorp gebore, waar sy in 1983 aan die HoŽrskool Monument matrikuleer. Daarna studeer sy aan die Universiteit van Pretoria, waar sy onderskeidelik 'n BA-graad (hoofvakke Afrikaans-Nederlandse Kultuurgeskiedenis & Engels, 1986), BA Hons (Kultuurgeskiedenis, 1988, cum laude) en MA (Historiese en Erfenisstudies, 1993, cum laude) behaal.

Sy was van 1987 tot 1989 werksaam as historiese navorser by die nasionale Kultuurhistoriese en Opelugmuseum, en van 1989 tot 2005 by die Maatskappy vir Immigrasie (MVI) as migrasie-adviseur. In 2005 het die MVI met AfriForum, die vakbond Solidariteit se burgerregte-inisiatief, saamgesmelt en sertdien is sy by AfriForum werksaam as Adjunk-uitvoerende Hoof met die Kom Huistoe-Veldtog vir terugkerende Suid-Afrikaanse emigrante as spesiale projek.

Sy skryf graag (fiksie, historiese publikasies, resensies, navorsingstukke en vertaalwerk) doen deeltyds navorsing oor haar spesialisvelde, naamlik Suid-Afrikaanse kultuurgeskiedenis en internasionale migrasie. Sy is nie getroud nie, maar is "ma" vir Rusty die teerhartige boerboel, Milly die uitbundige Jack Russell, Oupa Pip die vink en Kuifie Kanarie.

Publikasies

  • 2006: Die Prinses van die Afrikavlaktes (LAPA-Uitgewers) Illustrasies deur Emily Bornoff.

(Inligting verskaf deur Alana Bailey, Januarie 2007)

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.

Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2012