Janie Oosthuysen
 
April 2009


skrywers

storiemakers


 

 

Janie Oosthuysen skryf humoristiese aksieverhale, liefdes- en spanningsverhale. Sy is ook 'n vertaler - Harry Potter in Afrikaans is haar werk.

Janie Ooshuysen het met ses onderskeidings aan die Hor Meisieskool Bloemhof gematrikuleer en daarna aan die Universiteit van Stellenbosch gestudeer. Sy het eers skoolgehou en later Engels gedoseer aan die Athlone Kollege in die Paarl. Ongeveer vyftien jaar gelede het sy begin om voltyds te skryf. Vandag het sy meer as veertig kinder- en tienerboeke agter haar naam. Sy is veral bekend vir haar gewilde Ouma Hester-stories, die Harry Potter-vertalings en die splinternuwe Bessie Hemelbesem-reeks. Sy is medeskrywer van nege skoolhandboeke, het 'n groot aantal boeke geredigeer en vertaal en hou dikwels praatjies by leeskringe en biblioteke. Sy is al talle male bekroon, onder andere met die Akademie-prys vir haar Harry Potter-vertalings en die C.P. Hoogenhout-prys vir Juffrou Luisenbosch en die breinwassers.

Kwalifikasies:
1977: B.A., Stellenbosch. Hoofvakke: Engels, Afrikaans-Nederlands, Sielkunde. 1978: H.O.D., Stellenbosch.

Publikasies:

EIE PUBLIKASIES:

  • 1995: Kara en die Blafdemper (Human & Rousseau)
  • 1996: Ouma Hester en die Getaway-kar/Grandma Duckitt and the Getaway Car; Ouma Hester en die Zeppelin/Grandma Duckitt and the Zeppelin; Juffrou Luisenbosch en die breinwassers/Ms Bugbuster and the Brainwashers (Human & Rousseau)
  • 1997: Drome op Duinebaai; My hart behoort aan jou; Professor Experimento se verskriklike formules/Professor Experimento's Frightening Formulas (Human & Rousseau)
  • 1998: Sersant Spochter se ongelooflike leuenverklikker/Sergeant Spoofer's Incredible Lie Detector; Ouma Hester en die Intergallactic V-919 Supercomet/Grandma Duckitt and the Intergallactic V-919 Supercomet (Human & Rousseau)
  • 1999: Eggo's van gister (Human & Rousseau)
  • 2000: Skaduwee van die dood (Human & Rousseau)
  • 2001: Dans met die sekelmaan (Human & Rousseau)
  • 2004: Die verlore eiland; Daar is vlooie in my bed; Die towerpotlood (LAPA)
  • 2007: Bessie Hemelbesem en Oom Sak Sarel se testament; Bessie Hemelbesem en die skat van Smokkelaarsbaai (LAPA)

VERTAALWERK

Vanaf 1998 -

  • Helen Brain: Tamara; Noem my Kat; Kry 'n Vlieëkoekie (ook betrokke by redigering van bronteks); Carmen Toetoeka en die Vloek van Isis Huis (ook betrokke by redigering van bronteks), (almal Human & Rousseau); Oupa se kajuit (Maskew Miller Longman); Boorkewers (MML)
  • J.K. Rowling: Harry Potter en die towenaar se steen; Harry Potter en die kamer van geheimenisse; Harry Potter en die gevangene van Azkaban; Harry Potter en die beker vol vuur; Harry Potter en die orde van die feniks (almal H&R)
  • Eoin Colfer: Artemis Fowl (H&R)
  • C.S. Lewis: Die perd en sy seun; Prins Kaspian (H&R)
  • Marianna Brandt: Marcus Starmouse in the Soyuz TM3... 2...1 (H&R)

Vertaalwerk prenteboeke:

  • Leon de Villiers: Cheeky (ook betrokke by redigering van bronteks: Parmant) - (LAPA)
  • John Ryan: Pokkel wil smokkel (H&R)
  • Lennie Goodings: Eendag as ek groot is (LAPA)
  • Keith Faulkner: Die platbekpadda (LAPA)
  • Sheryl Leach: Barney se boek vol drukkies (LAPA)
  • Stephen White: Barney sê asseblief en dankie (LAPA)
  • Emma Thomson: Lili die wensfeëtjie: vriende, wense, geluk, verjaarsdae (LAPA)

Vertaalwerk tegnies:

  • Sheila G. Storey: Basiese nematologie en beginsels van aalwurmbeheer (studiegids)
  • Kent Goodway: Jou krieketafrigter (H&R)

SLEGS REDIGERING

  • Mariëtte Booysen: Waar is weg (LAPA - wenner van tydskrifkompetisie: Baba & Kleuter, 2001)
  • Eben de Jager: Die kraai padda (naaswenner van tydskrifkompetisie: Baba & Kleuter, 2002)

SKOOLBOEKE - OPVOEDKUNDIG

  • Heinemann: Betrokke by opstel van nuwe handboekreeks: Afrikaans vir ons, graad 7 tot graad 9 (Afrikaans tweede taal)
  • The Humane Education Trust: vertaal agt werkboeke in Afrikaans vir gebruik in skole
  • Louise van der Merwe: Grietjie se storie; Helde en leeuemoed (vertalings)

TOEKENNINGS

  • 1996-97: C.P. Hoogenhouttoekenning - Ouma Hester en die Dreadnought Merk 111; Juffrou Luisenbosch en die breinwassers
  • 1997: ATKV-toekenning - Drome op Duinebaai
  • 1997: Children's Book Forum: Honour Book Award - Kara en die blafdemper; Ouma Hester en die Getaway-kar; Ouma Hester en die Zeppelin
  • 2002: Akademieprys vir Vertaling - Harry Potter-reeks
  • 2002: IBBY-toekenning vir vertaling - Harry Potter en die towenaar se steen
  • 2003: SAVI-kategorietoekenning - Harry Potter en die beker vol vuur
(Inligting verskaf deur Janie Oosthuysen, Februarie 2002. Bygewerk September 2005 en April 2009.)

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.

Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2012