Nostalgie

Onthou boeke is swaar goed en mens dra moeilik aan die skatkiste van die verbeelding, veral kinders wat moeg is. – Marthea van Belkum

As kleuter het ek nou nie veel verstaan van maande en jare nie, maar ek het wel verstaan dat ek vier jaar oud was en een keer per maand kom daar so ‘n kleurvolle pakkie met my naam op by die huis aan. – Christi Kruger

Ek het grootgeword in ‘n huis van boeke, nie net by die biblioteek uitgeneem nie, maar self gekoop. – Louis Buys

Ek is nou twintig en ek ken nog steeds die wysie wat speel as Storieman begin. – Elana van der Vyver

Van my vroegste herinneringe was Tant Heleen Koekemoer se rondreisende biblioteek. – Erika Steyn

My eerste biblioteek was my ma. Sy was ‘n opgeleide kindertuin-onderwyseres en het haar vier kinders klein-klein met die klankmetode leer lees. – Janie Oosthuizen

Ek het in ‘n pioniersamelewing grootgeword en leesstof was skaars, beide in ons huis en die plaasskooltjie. – Engela Linde van Rooyen