Vanwaar gehasi?

Van wie en van waar is Storiewerf?


Storiewerf bestaan sedert 2000

Die primêre doel van die webtuiste is die bevordering van plaaslike (veral Afrikaanse) kinder- en jeugboeke en jong skryftalent. ‘n Bykomende doelstelling is die bevordering van Afrikaans op die internet.

Die wêreld is ‘n ronde bol
van binne is hy hol
en in die middel vol gevare
lê die Land van Wol en Hare.

Die tema kom uit “Die Land van Wol en Hare” van WO Kühne
(DJ Opperman se Nuwe Kleuterverseboek, Tafelberg, 1981)

Die tekeninge is gedoen deur Piet Grobler

Hy skryf:

Die idee is min of meer soos volg: Die land van wol en hare lyk so ‘n bietjie gevaarlik by die openingsprent (vol gevare).

Die twee lettervrate bewys egter dat dit nie soveel onheil inhou nie. (As die hele bakkies in die holte in die aarde sou wys, sal dit ‘n vriendelike lettervraat blyk te wees.)

Ek dink dis obvious dat die cool, hupse enetjie met die lugdraad die onder 18 ene is en die volwasse antietjie die bo-18.

STORIEWERF word aangebied saam met woordvrate en storiemakers van alle soorte en groottes.

Die konsep is ontwikkel deur Franci Greyling wat ook die werf bou en onderhou.

SDG

Kontakbesonderhede

franci@storiewerf.co.za

Storiewerf
Posbus 20582
Noordbrug
2522