2016-08
jongklomp

storienuus
oondvars
kuier by...
lusmakers
storiegedorie!
storiemakers
gril!grot
www
kollig
versfabriek
skryfgeheime
vonkelfiksie
lapastories
verinniewêreld
haasbekkies
wedstryd

boeksoek

 

posbus

 
na grootmense
 

 

ABC van skrywers

A B C D E F G H I J K L M N O P Q R S T U V W X Y Z
   
 
A

Nerine Ahlers skryf tienerboeke soos SMS'e, skurke en spinnekoppe.

   
 
B

CS Badenhorst skryf lekkerleesstories soos 'n Seun en 'n kano en Twee spoke.

Alana Bailey is die skrywer van Die Prinses van die Afrikavlaktes.

Margaret Bakkes se verhale word ook deur jongmense geniet.

Eleanor Baker se jeugverhale is onder andere Daar is spore op die maan waarvoor sy die Scheepersprys ontvang het.

Chris Barnard skryf romans, kortverhale en draaiboeke. Danda en Danda op Oudeur is gawe jeugboeke van dié skrywer.

Gert Basson skryf ook onder skuilname soos Dirk de Beer, Cor Lindeque en Chris Sasner. Hy is die skrywer van die Swart Kat-reeks.

Johann Bekker is die skrywer van Waghond van Hartbeeslaagte en Het van Verlangekraal.

C.F. Beyers-Boshoff is veral bekend vir sy Jasper-boeke.

Ettie Bierman is die skrywer van die Bienkie-reeks.

Stella Blakemore het die Maasdorp en Keurboslaan-reekse geskryf. Vir die Keurboslaan-reeks gebruik sy die skuilnaam Theunis Krogh.

Francois Bloemhof skryf rillers soos Die vrou met die pers oog maar ook eietydse stories vir jong volwassenes soos Slinger, slinger en Die jaar toe ek Elvis was en Nie vir kinders nie.

Tertia Botha is die skrywer van Rebel en Die Waterkind.

Alba Bouwer het ou gunstelinge soos Abdoltjie, Stories van Rivierplaas en Hennetjie met kuikens geskryf.

Marianna Brandt skryf veral lekkerleesstories vir jonger kinders soos Poppie-Dot van die Kaap en Die Mieliestronkpop.

Tania Brink skryf liefdesverhale soos Liefde laat jou rice krispies anders proe.

Elmarie Botes skryf Monstermaanboeke. Lees gerus Speurder Niël as jy wil gril.

Alida Bothma illustreer kinderboeke.

Jac J Brits is bekend vir sy radiodramas en vervolgverhale, maar het ook jeugboeke geskryf soos Die ligblou kano.

   
 
C

Cora Coetzee is 'n illustreerder.

John Coetzee se boeke speel gewoonlik in die verlede af met karakters wat spannende avonture beleef. Lees Buks en die Dianmietramp en Struben se Goue Vallei.

Anne-Marie Conradie skryf aktuele jeugverhale soos Tippex dit uit en E-topia.

 

   
 

D

Niki Daly illustreer en skryf kinderboeke soos Jamela se rok.

Marietjie de Jongh se storie Braam en die engel word deur kinders en volwassenes ewe veel geniet.

W.A. de Klerk is bekend vir sy avontuurverhale en wetenskapsfiksie. Hy is die skrywer van Die Skarlaken Eskadril en Poens: die penkopjare.

Helene de Kock skryf romans en kortverhale vir volwassenes en vir kinders Bybelstories soos Openbaring, die boek wat ons bly maak.

Frieda de Villiers is die skrywer van boeke soos die Bergarend-reeks en Suidpunt-fietstoer.

Leon de Villiers skryf stories vir jongmense, kinders en kleuters soos Die Pro, Aliens en Engele, My sussie se tande en Maroelaboomstories.

Phillip de Vos is 'n versiemaker van formaat,maar hy skryf ook stories oor goggas en muise en musiekmakers. Het jy al Brommer in die sop en Vincent van Gogga gelees?

Johan de Waal is die skrywer van !Sit Oom Paul - 'n eietydse novelle vir jongmense.

Carina Diedericks skryf lekker rekenaarstories soos Thomas@moord.net en Thomas@virus.net.

Cor Dirks is die skrywer van die Uile-reeks, Die Otters en Joof en sy maats-reeks.

Hans du Plessis se jeugboeke is Dis 'n flippen stukkende wêreld dié, my ou, Ditsem Dawid en Bakgat, en wat nou van my?

I.D. du Plessis het rugbystories geskryf soos Die Springbok en Die Silwervaring.

Bep du Toit is die skrywer van 'n Lang pad huis toe.

   
 
E

Nelia Engelbrecht is die skrywer van Alicia en die Zipzapper.

Licia Erasmus is die skrywer van die Balletklasreeks.

   
 
F

Annelie Ferreira is die skrywer van jeugboeke soos Totsiens, koning Arthur en Chuck Norris kan deel deur nul.

Jaco Fouché se eerste jeugverhaal, Siobhan van die sirkus, het in 2014 verskyn.

Arno Fourie (die skuilnaam van Helena Hugo) skryf verhale soos Drippelkie.

Corlia Fourie is bekend vir 'n nuwe benadering tot sprokies. Sy ontvang die Alba Bouwer-prys vir Die towersak en ander stories en Die wit vlinder.

Elkarien Fourie het Dans op die rand van die krans gekryf.

Heila Fourie skryf verhale in die Reënboograntreeks (studente) en ook stories oor die paranormale - enigiets van spoke tot aliens. Projek X-boeke uit Heila se pen is Vreemde werklikheid, Vreemde visioene en Vreemde vallei.

 

   
 
G

Franci Greyling se bekendste boeke is Dirkie, Drieka, Frederika, Die meisie van Melrosehuis en Kort voor cul de sac. Vind uit wat het sy nog geskryf.

Pieter W Grobbelaar is 'n storieverteller en woordman. Wielewalie en Mallemeule is versieboeke vir jonger kinders.

Mari Grobler skryf van gedigte tot jeugboeke. Het jy al Jan Blom Pluk Paddavere, Die Huis met Groen Oë en Verjaarsdag-taxi gelees?

Piet Grobler skryf en teken stories soos Net een slukkie, padda. Dis hy wat die STORIEWERF se lettervrate uitgedink het.

E.B. Grosskopf is die skrywer van die klassieke Afrikaanse jeugverhaal Patrys-hulle.

   
 
H

Marisa Haasbroek is die skrywer van Iewers vlieg daar Fairy Dust.

Elsa Hamersma het gedebuteer met 'n wetenskapsfiksie, Die teken van crux.

Wendy Hartman se bangmaakboeke is Die kortpad, Die swart hond en Stemme in die nag.

Hester Heese het 'n groot verskeidenheid kleuter, kinder- en jeugboeke geskryf. Bekende titels is Die huis op pale, Kobus het 'n blom en Die geluid van wakker.

Reinhardt Hendriks (Rooi Jan-reeks) is die skuilnaam van Casper H. Marais.

G.C. Hobson en S.B. Hobson is twee broers wat Kees van die Kalahari en Skanwan van die duine geskryf het.

Tienie Holloway is veral bekend vir die versies wat sy geskryf het.

Barry Hough is die skrywer van My kat word herfs, Droomwa,Vlerkdans en Skilpoppe. Skilpoppe is verwerk tot 'n toneelstuk.

Helena Hugo skryf boeke soos Atlantis, Galapagos en Bestemming Xenos.

   
 
I
Doc Immelman skryf jeugverhale soos Onheil in die Kuiseb en Die soektog.

 

   
 
J

Jaco Jacobs skryf 'n groot verskeidenheid werk - van gedigte tot grillers, van prenteboeke tot perdestories ...

Petri Jooste is die skrywer van Nag van die nonnetjie-uil en As alles anders was.

Christa Jordaan skryf verhale soos Lyf en Chillie Lipstiek.

Johann Jordaan het avontuurverhale geskryf soos Swart Hings en Die leeu van Aandblomkloof.

Ria Jordaan is die skrywer van Wynand se oorlog.

Marga Jonker skryf perdestories soos Brigadier en die raaiselperd.

Christine Joubert is die skrywer van Die boekprinses.

G.J. Joubert het Oupa Landman se viool geskryf waarvoor hy ook die Scheepersprys gekry het.

   
 
K

Chris Karsten skryf die avontuurverhale Floris Sapiens: 'n fantasie en Die jokkie wat met perde kon praat.

Karel Kielblock het spannende historiese romans geskryf soos Rebel, Die skat van Java en die Jasper le Feuvre-reeks.

Johan Kock is die skrywer van Die Besetting van die Laerskool Maroela en Die krisis by Maroela.

Ansonette Kruger skryf monstermaanboeke soos Die poppemeester en Die blou gevaar, asook Maatsboeke in die Reënboograntreeks (Die ponieprinses, Shani en die sokkie).

Cornelia Kruger is die skrywer van Voete se offer.

Kobie Krüger is die skrywer van Boskonsert.

Louis Krüger is die skrywer van Son op die water, Donkerboskind en Murasie in die stad.

Anzil Kulsen is die skrywer van die jeugroman, Zita.

W.O. Kühne is veral bekend vir die Huppelkind-reeks.

   
 
L

Martin Labuschagne se stories gaan oor die paranormale. Kodenaam Centaurus, en Op eie risiko is deel van die ProjekX-boeke.

C.J. Langenhoven het klassieke boeke geskryf soos Loeloeraai, Brolloks en Bittergal en Die Krismiskinders.

I.D. Lamprecht is die skrywer van Ghoen keer terug, Die koperperd en Oom Johnnie.

Lulu Latsky skryf diereverhale soos Diertjies en hul giertjies en Verhaaltjies uit die dierelewe.

Marzanne Leroux-van der Boon skryf verhale vir volwassenes en jongmense. Lees gerus Die wag vir die somer en Langebaan/Parys-retoer.

Marlene le Roux se bekendste verhale is Groen is die Kleur van Genade, Sterling en Die prys van 'n witkruis.

Freda Linde se verhale speel gewoonlik in die natuur af. Eenders en anders is haar nuutste boek.

Helena J.F. Lochner het baie verhale en versies vir kleuters en kinders geskryf.

Carl Lohann is die skrywer van Lientjie en die slapers en Janfrederik in die toring.

Anna M. Louw ontvang die Scheepersprys vir Die voortreflike familie Smit.

 

   
 
M

Wendy Maartens is die skrywer se prenteboeke soos Lena se bottelboom.

Wille Maarten se bekendste jeugboek is Noem my Zol.

Maretha Maartens skryf jeug- en kinderboeke wat in die moderne tyd afspeel (Moedhou Maria, dis donkermaan), maar het ook historiese boeke beskryf soos Gezina en die bruin wind, en Oor die rug van die draak.

Casper H. Marais is die skrywer van die Rooi Jan-reeks onder die skuilnaam Reinhardt Hendriks.

Kobus Maree is die skrywer van Proefwedstryd vir Wikus.

Empie Maritz het meer as 40 boeke geskryf. Bekende jeugverhale is Vlam in die Namib, Avontuur op Mars en Angsvlug uit Angola.

Wille Martin het jeugboeke geskryf soos Noem my Zol en Krans van die donsarend.

Dalene Matthee is bekend vir haar boeke vir grootmense. Die twaalfuurstokkie is 'n kinderboek uit haar pen.

Naomi Meyer is die skrywer van Ruik jy die filmster?

M.E.R. is die skrywer van Die tweeling trek saam en Karlien en Kandas.

Mikro het meer as honderd boeke geskryf. Hy is veral bekend vir Ruiter in die nag en Die jongste ruiter. Mikro se regte naam is C.H. Kühn.

   
 
N

Jackie Nagtegaal is die skrywer van Daar's vis in die punch.

Bettie Naudé is die skrywer van die Saartjie-boeke. (Hierdie is 'n skuilnaam van M.G. Smith wat as Topsy Smith die Trompie-boeke geskryf het.)

Hesma Nel het 'n handvol boeke geskryf wat op Arendskruin afspeel. Historiese boeke is 'n Held hakkel mos nie en Dwarstrek oor die Drake.

Christine Neser is die skrywer van die jeugverhaal, Kondensmelk.

Cor Nortjé is die skrywer van die Tekkies-reeks.

P.H. Nortjé het die Scheepersprys gekry vir Pennie se vuur en Die groen ghoen.

   
 
O

Janie Oosthuysen se stories Ouma Hester en die Dreadnought Merk 111 en Juffrou Luisenbosh en die breinwassers moet jy lees! Janie is ook die vertaler van die Harry Potter-boeke in Afrikaans.

Zulfah Otto-Sallies is die skrywer van Diekie van die Bo-Kaap.

 

   
 
P

Elize Parker skryf veral ontspanningsromans vir volwassenes. Haar eerste tienerroman is Moenie vir Ma sê nie.

Henning Paulsen se stories gaan veral oor rekenaars en die internet. Die Webraaisel en Die rekenaarvirus is deel van die reeks Internet onbeperk.

Chris Pelser se jeugboeke is onder andere Die ander wenpaal en As Pa eendag huis toe kom.

Pieter Pieterse se verhale speel dikwels in die natuur af. afspeel. Lees gerus Die dag van die reuse en Die pad na die see.

Fransi Phillips skryf veral kortverhale vir volwassenes, maar ook tienerfiksie soos 'n Baie lang brief aan Rolf.

Minnie Postma is veral bekend vir haar Sotho-verhale en die Mientjie-reeks.

Martie Preller skryf vir van jonk tot oud. Kies self 'n avontuur in Jy en Toetenkat; wetenskapfiksie in In die tyd van Esob en kinderstories soos Balkie en Babalela.

Louise Prinsloo is bekend vir haar Gedaantes en Geraamtes-boeke. Sy skryf ook 'n groot verskeidenheid ander boeke.

   
 
Q
 
   
 
R

Jan Rabie is die skrywer wetenskapsfiksie en Die seeboek van die sonderkossers waarvoor hy die Scheepersprys ontvang het.

Gerrie Radlof het die Buiter- en Oloff die Seerower-reekse geskryf. Sy regte naam is Gerrit Lubbe van Zyl.

Kowie Rossouw se boeke vir jongmense is Wie se hart kan dit dan hou? en Die pad oor die berg kom huis toe. Sy skryf ook lirieke vir sangers soos Randall Wicomb.

Anna Rothman is die skrywer van diereboeke soos Kraai-hulle en Kriek-hulle.

Leon Rousseau is die skepper van die Fritz Deelman-reeks.

Heléne Roux is die skrywer van Eendag was daar 'n oorlog en Salakwanda die Towenaar. Sy sê sy het al met fossiele gewerk...

Lize Roux is die skrywer van die Stalmaats-reeks.

Rona Rupert se verhale speel meestal in die Kaap af. Wegloopwinter, Woorde is soos wors is boeke wat teen die agtergrond van 'n jeugsirkus afspeel.

 

   
 
S

Petra Sassen skryf Die jaar toe Lara dertien was en Plek van die swarteende.

Chris Sasner (Gert Basson) is die skrywer van die Swart Kat-reeks.

Riana Scheepers is 'n veelbekroonde skrywer vir volwassenes. Haar eerste jeugboek is Blinde Sambok.

Solet Scheeres skryf verhale vir tieners. Haar nuutste boek is Talia in die Clam-Divas-reeks.

P.J. Schoeman is veral bekend vir die Fanie-boeke soos Fanie se veldskooldae.

Rena Schüler het 'n Sanlamprys gewen vir Die somervakansie wat te lank was.

Sita (S.S. de Kock) is die skrywer van die Mientjie-reeks en Janette, die dogter wat nie 'n dame wou word nie.

Hannes Smit is 'n jong skrywer van Stellenbosch. Die Zombies en Ans se geheim het uit sy pen verskyn.

Topsy Smith het die Trompie-boeke geskryf. (Hierdie is 'n skuilnaam van M.G. Smith wat ook as Bettie Naude die Saartjie-boeke geskryf het.)

Adriaan Snyman skryf avontuurverhale soos Nagbrug en Jokkie vir die sweetvos.

Annelize Snyman se jeugverhale is Arka, Ula van die see, Balthsasar en Sandedans.

Maritha Snyman is die skrywer van die Maats-reeks in die Reënboograntreeks. Sy is ook 'n samesteller van die Lekker lawwe lagboeke.

Ela Spence het die Soekie-reeks geskryf. Die Tessa-reeks is onder die skuilnaam Elizabeth Stander geskryf.

Elsabe Steenberg se stories handel gewoonlik oor kinders wat bietjie anders as ander is. Sy skryf boeke vir kleuters (Eendag die blou voël), kinders (Rooi kanarie hoepelbeen) en tieners (Boom bomer boomste).

Alet Steenkamp skryf tienerboeke soos SMS'e, skurke en spinnekoppe.

Carl Steyn is bekend vir sy sportverhale Vlinder 2 en Middelvoor. Hy is ook die skrywer van Peet en die rekenaarridders.

Vincent Swart is die skrywer van die Nagmerrieboeke. Videomanie, Betowering, Kinderspeletjies en Droomnet is deel van die reeks.

Cecilia Steyn is die skrywer van liefdesverhale vir tieners. Haar eerste boek is Meisie op die dak.

Elmar Steyn het Ou-Kaapse verhale geskryf en jeugboeke soos Die wilde hings van Sengeti. Elmar Steyn is 'n skuilnaam vir Marthanus Steyn.

Esta Steyn se jeugboeke is Projek Maanblom en Vlindervlug.

Johnita Swart skryf jeugverhale soos En toe kom Fred en Die teken.

Nel Swart (Jo Jooste) is die skrywer van Elk vir mekander en Weghollers wen nie.

   
 
T
 
   
 
U
 

 

   
 
V

Marita van Aswegen is die skrywer van Roer jou riete, Pampas.

Sjané van Aswegen se eerste verhaal, Mietjie van Muisedam, is met die hand geskryf.

Theresa van Baalen skryf kleuterboeke soos Aspris Krokkedis.

Dolf van Coller is die skrywer vn die jeugroman, Skoonveld.

Elizbè van der Colff is 'n arbeidsterapeut wat ook haar kinderdroom om te skryf, volg. Nina en die wacky hare is bekroon met 'n ATKV-kinderboektoekenning.

Prevot van der Merwe skryf Skoenlappers vlieg voor brekfis en Poppe wil nie altyd dans nie.

HS van Blerk skryf verhale soos Bewaker van die oerbos en Die edelvalk van donkerkruin.

Kas van den Bergh skryf veral vir grootmense maar het ook 'n klompie gawe jeugboeke geskryf soos Spesialiste van Overvaal en Nuwe seun op Overvaal.

Marita van der Vyver is bekend vir haar romans vir volwassenes. Sy het ook kinder- en jeugboeke geskryf. Lees gerus Olienosters op die dak en Tien vir 'n vriend.

Derick van der Walt is die skrywer van pryswenner jeugverhale soos Lien se lankstaanskoene en Hoopvol.

Johan van Lill is die skrywer van Agtervolger.

A.A.J. van Niekerk skryf dierestories, volksverhale en kleuterverhale soos Die wit perd van Calvinia en Die ring om die maan.

Betsie van Niekerk hou van verhale wat in die natuur afspeel. In Gamkab onderneem Louis en sy pa 'n kanovaart op die Oranjerivier. Sy is ook die skryfster van Die Rooiberg is hol.

Dolf van Niekerk se verhale is vir jongmense is Die haasvanger, Skrik kom huis toe en Karel Kousop.

Roelf van Rensburg is die skrywer van jeugverhale soos Die nagboek, Die droomboom en Gooi hom in die sloot.

Louise van Niekerk is die skepper van die Reënboograntreeks en die Monstermaanboeke. Tienertantrums, Wat borrel in die pot? en Drome en dramas is van die stories wat sy geskryf het.

Mary-Ann van Rensburg is die skryfster van jeugverhale soos Die geur van jasmyn, Die wit duif en Ontdekkings.

Engela van Rooyen het 'n groot klomp jeug- en kinderboeke geskryf. Bekendes is die Gesieboeke (Gesie van Sonsig, Gesie maak lig) en Die duiwe van Botala. Sy skryf ook verhale vir volwassenes.

Marietjie van Rooyen is voltydse skrywer, vertaler en redigeerder. Sy het Die Vyfletterwoord geskryf.

Nanette van Rooyen skryf stories met lekker titels soos: Houtpapegaaie praat mos nie, Lila langs die rietkuil, Die groen koei en Maaneiers. Sy skryf ook kortverhale vir grootmense.

Annico van Vuuren is die skrywer van Boetebossie en 'n Vlermuis vir kersfees.

Jan van Tonder se jeugverhale is Is Sagie en Die kind.

Verna Vels is die skepper van die Liewe Heksie-boeke. In Liewe Heksie en die rekenaar raak Heksie nog steeds deurmekaar met Koning Rose... se naam. Kan jy sy naam onthou?

Ben Venter is bekend vir sy jeugboeke Waterbobbejaan en Salmaklak.

De Waal Venter skryf van radiodramas tot rolprente. Gelukkig skryf hy ook jeugboeke soos Mieg se kort en lang middag, In die klein woud en Swaartekrag een komma een.

F.A. Venter is bekend vir sy boeke oor die Groot Trek. Hy is die skrywer van Die geheim van die berg en Wit Oemfaan. Onder die skuilnaam Meiring Fouche skryf hy saam aan die Swart Luiperd-reeks.

Paul C Venter is die skrywer van Die maan skyn so helder jy kan op Jupiter sien.

Arnold Vermaak is 'n jong skrywer wat met die jeugverhaal Buys gedebuteer het.

Jan Vermeulen het die Sanlamprys gewen vir Geraamtes dra nie klere nie.

Fanie Viljoen is die skrywer en illustreerder van Slym, die verhaal van die eerste wurm wat in 'n paddakonsert opgetree het en die jeugboek Breinbliksem.

A.G. Visser is veral bekend vir sy kinderversies.

A.J.J Visser het 'n groot klomp kinderverse geskryf, en ook poësie vir volwassenes.
"Het ek my verbeel
of hoor ek 'n orkes
wat deur die strate speel?"

 

   
 
W

Elizabeth Wasserman skryf die Willem-speurhond en Anna Atoom-boeke, en glo dat die wetenskap net so wonderlik as enige fantasie kan wees.

George Weideman se nuutste jeugverhaal Dana se jaar duisend speel in die middeleeue af. Ander boeke is Los my uit, paloekas!, Optog vir die aftjoppers en Die geel komplot.

Jelleke Wierenga is die skrywer van Moord per suurlemoen – silwer Sanlamprys vir Jeuglektuur 2013

Gretel Wybenga het die stories vertel van Malie en Maggie soos Malie en Maggie en die veertig kalkoene.

   
 X 
   
 Y 
   
 Z 
    

Wil jy meer oor dié interessante skrywers en hulle boeke weet?
Lees

Van Patrys-hulle tot Hanna Hoekom:
'n Gids tot die Afrikaanse kinder- en jeugboek.
Die redakteurs is Gretel Wybenga en Maritha Snyman. LAPA-Uitgewers.

 

 

 

 


Voordeur en inhoud | Jong woordvrate | Ouer woordvrate | e-pos

STORIEWERF word aangebied saam met woordvrate en storiemakers
van alle soorte en groottes.

Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2016