2008-12

jongklomp
kollig


 

Kollig ... gedramatiseerde prosa
Formule drie, twee, een!
Franci Greyling

Gedramatiseerde prosa: Kleuterskool tot graad 5
Karakters:
'n Handvol kinders wat 'n resies hou, klakouse en 'n verteller.

Hierdie is 'n kort gedramatiseerde uittreksel uit die prenteboek Formule drie, twee, een! deur Franci Greyling en Vian Oelofsen. Die verhaal kan op verskeie maniere voorgelees en gedramatiseer word.

Formule drie, twee, een! is uitgegee deur Tafelberg en kan by Kalahari.net bestel word.

Kontak Franci Greyling (franci@storiewerf.co.za) vir meer inligting en die volledige opvoerteks.

Formule drie, twee, een!

Voorlesing met 5 persone: drie kinders, klakous/e, verteller.

Karakter vir voorlesing of dramatisering

Teks soos in die boek
Kind 1: Wat kan ons doen?
Ons is só verveeld!
Klakouse: Dit kan nie wees nie
dis eenvoudig nie waar nie!
Is hier dan nie 'n televisie
'n radio of rekenaar nie?
Kind 2: Wat kan ons doen?
Kind 1: Wat kan ons tog maak?
Kind 3: Ons hou 'n resies - 'n wedren op wiele!
Kind 1 en 3: Wie? Met wat? Waar? Waarmee? En wanneer?
Kind 2: Ons maak 'n plan
ons kry 'n span
wat alles organiseer:
die wie, die wat, die waar
die wanneer, die waarom, die lot!
1 en 3: Ons kry 'n span! Ons maak 'n PLAN!
Verteller: Teen vensters, op bome en pale
orals in die strate
verskyn die plakkate:

DIE GROOTSTE RESIES VAN DIE JAAR!
KOM DEEL IN DIE PRET
AS JY WIELE HET!

Kind 1, 2, 3: Hoera! (roep die kinders).
Kind 1:
Dis 'n slim plan
om 'n rêrige resies te hou.
Kind 1: FORMULE EEN
Kind 1 en 2:

FORMULE TWEE

Kind 1,2,3: FORMULE EEN, TWEE, DRIE!
Klakouse: O nee! (sê die mense).
Dis glad nie na wense
dat die kinders in die strate lê.
Ons het erge besware
daar's te veel gevare
om kinders hier buite te hê.
Verteller: Uit kamers en kaste en skure
en onder die bure se bloekom
orals grawe hulle wiele uit:
'n vaalnuwe skoeter
'n fiets sonder toeter
'n stootwa, 'n trapkar, 'n trok
'n wrak van 'n kaskar
'n kermende kruiwa
'n draadkar, 'n driewiel, 'n drom.
Klakouse: O nee, (s die mense), dis glad nie na wense dat die kinders in die strate l.
Verteller: Hulle timmer en tik en hamer en kap.
Orals sien jy net spykers spat!
Klakouse: Hou hulle by die huis.
Dis veel veiliger tuis
as om kinders hier buite te h.
Kind 2: Maak pad, maak pad, maak pad vir die wilde wiele van Wolmaransstad!

Kontak Franci Greyling (franci@storiewerf.co.za) vir meer inligting en die volledige opvoerteks. Kopiereg: Franci Greyling

As jy dié stuk wil opvoer, stuur 'n e-boodskap aan kollig@storiewerf.co.za
met jou naam, ouderdom, die titel, en waarvoor jy dit wil gebruik.
Kopiereg behoort aan die skrywer.

Terug na Kollig

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.

Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2012