2004


grootmense

leeslyste

Toekennings 2003

Boeke en skrywers wat gedurende 2003 toekennings ontvang het.

MER-Prys vir Jackie Nagtegaal. Jackie Nagtegaal se debuutroman, Daar’s vis in die punch, is bekroon met die MER-prys vir Jeugliteratuur. Jackie het terselfdertyd ook kykNET se prys vir Jong Afrikaanse Skrywers onder 35 ontvang. Sy het 'n totale prysgeld van R30 000 ingepalm.

Jenny Robson wen internasionale prys. Die UNESCO Prys vir Kinder- en Jeugliteratuur in Diens van Verdraagsaamheid is aan Jenny Robson toegeken vir haar boek Because pula means rain. Volledige berig.

Die wenners van die ATKV-kinderboekpryse: Leon de Villiers en illustreerder Nico Meyer (6-7) vir Elsie soek 'n strooihoed; Antoinette Nightingale (8-9) vir Dinge wat krrraakkk maak; Riana Scheepers (10-12) vir Blinde sambok en Anne-Marie Conradie (13-15) vir Tippex dit uit. Vorige wenners. Riana Scheepers oor Die belangrikste letterkundige prys in Afrikaans.

Die Katrine Harriestoekenning vir Kinderboekillustrasies herleef vanjaar (2003) na ses jaar. Die wenner is Jude Daly vir haar illustrasies in die boek, The Stone, gepubliseer deur die Britse uitgewers, Francis Lincoln. Volledige berig.

Die Tienie Holloway-medalje vir kleuterliteratuur word vanjaar toegeken aan Martie Preller vir haar boeke Babalela en Lisa het 'n plan. Die medalje is een die die toekennings van die Suid-Afrikaanse Akademie vir Wetenskap en Kuns.

Internasionale toekenning vir Piet Grobler. Piet Grobler, bekende Suid-Afrikaanse illustreerder (en die skepper van Storiewerf se woordvrate), is in die prestige Biennial of Illustrations Bratislava (BIB) met 'n bronsmedalje bekroon vir illustrasies uit Die spree met foete en uit Net een slukkie, Padda. Lees meer.

Spesiale toekenning aan Freda Linde. Unisa se Eenheid vir Navorsing in Kinderliteratuur (ENIK) het 'n spesiale toekenning aan Freda Linde gemaak vir haar besondere bydrae tot die Afrikaanse en Suid-Afrikaanse kinder- en jeugliteratuur. Volledige berig.

Janie Oosthuysen bekroon vir vertaling van Harry Potter en die beker vol vuur. The South African Translators' Institute has announced the five category winners for its SATI Award for Outstanding Translation for 2003. Volledige berig.

Nominasies vir IBBY se Ererol vir 2004. Die plaaslike tak van die International Board on Books for Young People het die volgende titels vir IBBY se Ererol vir 2004 genomineer, Die ongelooflike avonture van Hanna Hoekom (Marita van der Vyver), The Waterbearer (Dianne Hofmeyr), Yebo, Jamela! (teks en illustrasies Niki Daly), Die spree met foete (Philip de Vos - vertaling). Volledige berig.

Hierdie lys maak nie aanspraak op volledigheid nie.
Terug na Leeslyste

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.
Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2005