2006-01


grootmense

leeslyste

Toekennings 2005

Boeke en skrywers wat gedurende 2005 toekennings ontvang het.

CP Hoogenhout vir Droomoog Diepgrawer. Unisa se Eenheid vir Navorsing in Kinderliteratuur het bekendgemaak dat Leon de Villiers se boek, Droomoog Diepgrawer, die wenner is van die CP Hoogenhouttoekenning vir Kinderliteratuur.

Sanlam-prys vir Jeuglektuur 2005: Die standaard van die Afrikaanse inskrywings was so hoog en die twee manuskripte wat meegeding het om Goud het so kop aan kop geloop dat die beoordelaars nie anders kon as om aan albei presies dieselfde punt toe te ken nie. Die Afrikaanse wenverhale is geskryf deur Francois Bloemhof (goud), Fanie Viljoen (goud) en Engela van Rooyen (silwer).

Bekronings: MER-pryse, M-Net-prys, Jan Rabie/Rapport-prys. Vaselinetjie deur Anoeschka von Meck (Tafelberg-Uitgewers) het die dubbele onderskeiding behaal dat beide die Jan Rabie/Rapport-prys en die MER-prys vir jeuglektuur daaraan toegeken is. Sy het ook ’n M-Net-prys daarvoor ontvang.

Die MER-prys vir kinderlektuur, is toegeken aan Wynand Louw vir Mr Humperdinck’s wonderful whatsit, met illustrasies deur Marjorie van Heerden (Human & Rousseau).

Die ATKV-Kinderboek-toekennings vir 2004. Die ATKVeertjie-toekennings gaan aan die skrywers (en illustreerders, waar van toepassing) van 2003 se beste kinderboeke. Daar is meegeding in vyf kategorieë wat volgens ouderdomsgroepe ingedeel is. Kategorie 3- 6 jaar: Parmant deur Leon de Villiers en geïllustreer deur Samantha van Riet. Kategorie Graad 1- 3: Manie se Motor deur Una Koch en geïllustreer deur Alta Joubert. Kategorie Graad 4- 5: Erik en die kido-dinges deur Leon de Villiers. Kategorie Graad 6-7: Pretpark deur Jaco Jacobs. Kategorie Graad 8-10: Koning Henry deur Carina Diedericks-Hugo.

Special commendation for Makwelane en die krokodil. The Noma Award for Publishing in Africa announced the 25th Noma Award for Publishing in Africa in 2005. The Jury singled out a further three titles for Special Commendation, one of which is Makwelane en die krokodil (Makwelane and the Crocodile) by Maria Hendriks Illustrated by Piet Grobler.

Hierdie lys maak nie aanspraak op volledigheid nie.
Terug na Leeslyste

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.
Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2007