2006-10


grootmense

leeslyste

Toekennings 2006

Boeke en skrywers wat gedurende 2006 toekennings ontvang het.

MER-pryse bekend gemaak: Die MER-prys vir kinderlektuur (2005) is toegeken aan Marita van der Vyver vir Mia se Ma (Human & Rousseau). Sy deel dié prys met Piet Grobler wat vir die illustrasies verantwoordelik was.

Die ander benoemdes in hierdie kategorie was Jaco Jacobs vir Net aliens eet spinasie (Human & Rousseau) en Ann Walton vir Tell the Moon (Tafelberg).

Die MER-prys vir jeuglektuur is aan Fanie Viljoen toegeken vir Breinbliksem (Tafelberg). Die ander benoemdes was Engela van Rooyen vir Vuvuzela en François Bloemhof vir Nie vir kinders nie, wie se boeke beide deur Tafelberg uitgegee is.

Die Tienie Holloway-medalje kleuterliteratuur word vanjaar toegeken aan Martie Preller en die illustreerders Erica en Andries Maritz vir Diep, diep in 'n donker bos.

Die ATKV-kinderboek-toekennings (2005) vir boeke wat in 2004 verskyn het, is: Dit is: My sussie se tande deur Leon de Villiers (3-6 jaar), My ouma is 'n rockster (gr 1-3)en Nag van die monsters (gr 4-5) deur Jaco Jacobs, Thomas@ sms.net deur Carina Diedericks-Hugo met (gr 6-7) en Vaselinetjie deur Anoeschka von Meck (gr 8-10). Altesaam 1380 kinders en 33 biblioteke landwyd het deelgeneem aan die beoordelingsproses.

Erebenoeming vir Lena se bottelboom deur Wendy Maartens. Lena se bottelboom/ Lena's bottle tree (LAPA Uitgewers), is een van slegs vier boeke en die enigste kinderboek wat 'n erebenoeming van die beoordelaars van die Noma Awards for Publishing in Africa 2006 gekry het. 105 titels van 63 uitgewers in 15 lande, in 8 tale is ontvang om in aanmerking te kom vir die 2006 kompetisie. Slegs twee titels is uitgesonder vir 'n erebenoeming. (2006-11-15)

'n Kanna vir Wilde Willemientjie. Die musiekverwerking van die prenteboek Die avonture van Wilde Willemientjie (Riana Scheepers) is tydens die 2006 KKNK bekroon met 'n gesogte Kanna-toekenning as beste kinderproduksie van die KKNK 2006.

Hierdie lys maak nie aanspraak op volledigheid nie.
Terug na Leeslyste

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.
Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2007