2007-10


grootmense

leeslyste

Toekennings 2007

Boeke en skrywers wat gedurende 2007 toekennings ontvang het.

Die M.E.R.-prys vir die beste ge´llustreerde kinderboek is toegeken aan Fanie Viljoen vir Geraamte in die klas (Human & Rousseau), ge´llustreer deur Karl Stephan. Die keurders, Lona Gericke en Linda Rhode, sŕ hierdie pragtige boek leer kinders die lewe se dieper lessies op 'n spitsvondige wyse.

Die M.E.R.-prys vir jeugboeke is toegeken aan Jenny Robson vir Praise Song (Tafelberg-Uitgewers), 'n aangrypende en sterk verhaal oor Vigs en verganklikheid. Prof. Maritha Snyman van die Universiteit van Pretoria en prof. Louise Viljoen van die Universiteit van Stellenbosch was die keurders in hierdie kategorie.

Die Alba Bouwerprys vir kinderliteratuur is toegeken aan Jaco Jacobs se Wurms met tamatiesous en ander rympies. Die toekenning maak deel uit van die pryse van die Suid-Afrikaanse Akademie vir Wetenskap en Kuns en word driejaarliks toegeken.

Die ATKV-Kinderboek-toekennings. Die wenskrywers en -boeke is: Kategorie 3 tot 6 jaar Annelize Bester (Droombos se nuwe prinsessie); Johan Strauss vir illustrasies. Kategorie Graad 1 tot 3: Elmarie Botes (Jabulani die olifant). Anna-Carien Goosen vir illustrasies. Kategorie Graad 4 tot 5: Carina Diedericks-Hugo Operasie M.I.A.A.U. Kategorie Graad 6 tot 7: Carina Diedericks-Hugo (Thomas@nagmerrie.net) Kategorie Graad 8 tot 10: Nerine Ahlers en Alet Steenkamp (Selfone, skelms en sjokolade)

 

Hierdie lys maak nie aanspraak op volledigheid nie.
Terug na Leeslyste

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.
Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2007