Werfjoernaal
 
2013-10

werfjoernaal
argief



Afrikaanse Skryfgoed steeds 'n gunsteling

"Ek wil regtig nie meer aan ’n Afrikaanse teks werk sonder my SkryfGoed nie."

So skryf Tom McLachlan, voormalige voorsitter van die Afrikaanse Taalkommissie. Tom is, nes vele Suid-Afrikaanse skrywers, akademici en sakelui, 'n getroue gebruiker van CTexT (NWU-Pukke) se immergewilde Afrikaanse SkryfGoed. Hy sal daarom bly wees dat Afrikaanse SkryfGoed 4 pas die lig gesien het en nou volledig met Microsoft® Office 2013 en Windows 8 versoenbaar is.

afrikaanse skryfgoed

Afrikaanse SkryfGoed 4 is 'n versameling van vier skryfhulpmiddels vir Microsoft Office en sluit in:

  • Afrikaanse Speltoetser
  • Afrikaanse Grammatikatoetser
  • Afrikaanse Tesourus
  • Afrikaanse Woordafbreker

Een van die redes waarom Tom nie sonder Afrikaanse SkryfGoed wil werk nie, is omdat die Grammatikatoetser hom “... meermale help om glipse wat hy weens skryfhaas maak, betyds raak te sien”. Die Woordafbreker breek woorde op die regte plekke af na 'n volgende reël

Volgens prof Franci Greyling (skrywer en dosent in Skryfkuns) is die Afrikaanse Speltoetser 'n nuttige manier om spel- en tikfoute vinnig raak te sien. Sy gebruik verder graag die Afrikaanse Tesourus om alternatiewe vir geykte woorde in haar skryfwerk te soek.

Die Grammatikatoetser en Tesourus is enig in hul soort in Afrikaans vir Microsoft Office, en die Speltoetser is die enigste sogenaamde tweedegenerasiespeltoetser wat tans vir Afrikaans bestaan. Dit beteken dat die nuutste tegnologie en gevorderde prosessering gebruik word om beter resultate te lewer. Dit word gereeld bygewerk om by die nuutste spelreëls en ontwikkelinge in Afrikaans aan te pas.

“Ek is een van die getroue volgelinge en ondersteuners van Afrikaanse SkryfGoed. Ek kan my amper nie 'n tyd indink dat ek daarsonder moes klaarkom nie! Ek gebruik alle funksies. Die Speltoetser is veral besonder waardevol omdat dit gou my tikfoute uitwys,” skryf prof Wannie Carstens, voorsitter van die SA Akademie vir Wetenskap en Kuns.

Die spiksplinternuwe Afrikaanse SkryfGoed 4 is nou op www.spel.co.za beskikbaar, of kontak verkope@spel.co.za. BlueTek Rekenaars (018 297 0164) kan met enige navrae, bestellings of tegniese ondersteuning help.

Minimum sisteemvereistes

'n Volledig operasionele rekenaar (“PC”) met Microsoft® Office XP, Microsoft® Office 2003, Microsoft® Office 2007, Microsoft® Office 2010 of Microsoft® Office 2013; en Windows® XP, Windows® Vista, Windows® 7 of Windows® 8.

 


Die Sentrum vir Tekstegnologie (CTexT®) is 'n navorsing- en ontwikkelingsentrum op die Potchefstroomkampus van die Noordwes-Universiteit.

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.

Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2013