grootmense

resensies

C.P. Hoogenhout-prys vir Janie Oosthuysen

Die kinderboekskrywer Janie Oosthuysen is pas met die C.P. Hoogenhout-prys vir kinderliteratuur bekroon.
In sy commendatio het Thomas van der Walt, een van die beoordelaars, gesÍ ondanks die versugting dat die Afrikaanse kinderboek mank gaan aan goeie humorisitiese en fantasieverhale, het Oosthuysen op haar eentjie 'n verandering aan die situasie gebring.
Van haar bekendste werke is Ouma Hester en die Dreadnought Merk 111 en Juffrou Luisenbosch en die breinwassers.
Oosthuysen is ook die vertaler van die Harry Potter-boeke wat eersdaags in Afrikaans by Human & Rousseau verskyn.
Van der Walt het voorts gesÍ Oosthuysen word soms as effens subversief gesien omdat sy in haar boeke altyd die kant van die kind teen onregverdige grootmense kies.
"Hiermee verkeer sy in goeie geselskap. Roald Dahl en Paul Jennings moes dieselfde kritiek verduur, maar met die heerlike wete dat hulle kinders aan die lees het,'' het Van der Walt gesÍ.
Die C.P. Hoogenhout-prys word al sedert 1960 oorhandig en is een van die oudste kinderboekpryse in Suid-Afrika. Dit word toegeken deur Unisa se Eenheid vir Kinderliteratuur (ENIK) in samewerking met die Stigting vir Afrikaans.
Omdat die prys sedert 1995 nie toegeken is nie, is besluit om dit terugwerkend te doen. Die prys wat Oosthuysen nou ontvang het, is vir alle kinderboeke in Afrikaans wat in 1996 en 1997 gepubliseer is.
Veranderings is ook aan die beoordelaarstruktuur gedoen. Terwyl die beoordelaars in die verlede slegs uit skool- en kinderbibliotekarisse bestaan het, is ander mense, wat ouers en kinderlesers insluit, ook vanjaar betrek. Die doel met die prys is egter steeds om gehalte te beoordeel en nie gewildheid nie.
Vanjaar se beoordelaars was Van der Walt (ENIK), prof. Maritha Snyman (Stigting vir Afrikaans), Lona Gericke (openbare biblioteek, Bellville), Magdel Vorster (ouer), Miemie du Plessis (Gauteng-biblioteekdiens) en die twee nasionale wenners van Afrikaans Ekspo 1999 se junior prosa-afdeling, Michael Neser van die Afrikaanse HoŽr Seunskool in Pretoria en Willem Strauss van HoŽrskool Jim Fouchť in Bloemfontein.

Berig Beeld, Vrydag 24 Maart 2000

Terug na Resensies

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.
Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2005