2003


jongklomp

skryfgeheime

So jy wil skryf? Jy wou nog altyd geskryf het!
Martie Preller

So, jy wil skryf? Jy wou nog altyd geskryf het! Wonderlik - gryp pen en papier - skud jou Írens gemaklik in en …. BEGIN! Of nee - dalk liewers voor die rekenaar - sit hom aan - kry die woordprogram - sit gereed met vingers op die sleutelbord en …. BEGIN! Of nee … eintlik sterf jy van die honger - gaan kyk eers in die yskas - daar is NIKS lekkers in die yskas nie - "MAAAAAAA - hoekom is daar nooit lekker goed in die yskas nie?" Dikbek stap jy terug na die pen en papier of die rekenaar. Nou sal jy begin. NOU! NOU! Maar die papier is so KAAL - so WIT - of die skerm is so … LEEG - en sowaar - dis net soos wat jou kop voel - daar is nie 'n ENKELE gedagte in nie - niks - ziltz - nie 'n enkele gedagte nie - leeg en kaal en wit soos die leŽ skerm of bladsy. WAAR kry skrywers hulle idees vandaan? Aha! Hier is vir jou 'n ideesoekmetode wat WERK.

1) Dink aan 'n woord - enige woord - as jy nie aan 'n woord kan dink nie - kyk in 'n woordeboek - sÍ nou maar, jy dink aan die woord: KAMEEL. Reg, skryf hom neer.

2) Nou dink jy aan: KAMEEL - waaraan dink jy? Woestyne - boggel - water - sand - sandstorms - tente - goed, goed - mooi - jou kop is aan die gang.

NOU: 3) Dink aan NOG 'n woord - sommer enige woord - een wat NIKS met kameel uit te waai het nie. (Kyk in die woordeboek as jy nie aan 'n woord kan dink nie! Woordeboeke is vol SAPPIGE woorde!) Goed …. sÍ nou maar jy dink aan …. DONKERBRIL! Okay, cool.

NOU 4) Skryf DONKERBRIL langs KAMEEL neer - hierdie twee woorde het mos NIKS met mekaar uit te waai nie - of het hulle? Hmmm …. 'n kameel met 'n donkerbril …. HOEKOM het hy 'n donkerbril … dalk het hy seer oŽ en moet hy na die oogdokter toe gaan …. dalk is hy 'n beroemde akteur en is bang mense herken hom …. dalk is hy 'n spioen … of 'n privaat speurder … en leun hy teen 'n boom met vandag se koerant voor sy gesig sodat niemand hom moet raaksien nie … en daar … so wragtie … daar kom 'n …. WAT? aan …

En as jy nou al hierdie goed neergeskryf het, dan is daardie aaklige wit papier of leŽ skerm nie meer so wit en leeg nie - en jou kop is aan die hardloop en jou storie het begin! NETSO kan jy BAIE stories uitdink - TWEE woorde wat NIKS met mekaar te doen het nie en dan tog ….bymekaar pas op 'n vreemde manier!

LEKKER SKRYF!

Martie Preller
Terug na skryfgeheime

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.

Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2012