2000-12-01


jongklomp

skryfgeheime

Kreatiewe idees kan pret wees
Franci Greyling

Soek jy 'n idee vir 'n storie? Is die begin van jou verhaal of opstel dalk vaal en vervelig? Of droog jou idees langs die pad op?

Probeer hierdie handige tegniek:

  1. Maak op die linkerkant van 'n papier 'n lysie van so vyf tot agt woorde. Maak daarna 'n ewe lang lysie op die regterkant. (Druk sommer met jou vinger op 'n bladsy in 'n boek en skryf die woord neer.)
  2. Nommer die woorde.
  3. Verbind elke woord aan die linkerkant met 'n woord regs. Trek byvoorbeeld 'n strepie van nommer 1 links na nommer 7 regs. Moenie die woorde lees terwyl jy dit verbind nie.
  4. Kyk hierna na die woordpare. Jy sal agterkom dat van die woordpare doodgewoon is, terwyl ander pare ongewone kombinasies is. Watter kombinasie laat jou wonder of lag of sit jou aan die dink?
  5. Gebruik een (of meer) van hierdie woordpare en werk verder daarmee. Kan jy dit in jou storie gebruik?
  6. Moenie 'n volgende lysie maak voordat jy iets met 'n vorige lysie gedoen het nie. Op hierdie manier dwing jy jouself om skeppend te dink - én te werk.

Hier is 'n voorbeeld:

A
B
  1. dieseldrom
  2. skilpad
  3. bolemakiesie
  4. vir
  5. dansery
  6. ledegeld
  7. sokkies
  8. oorspronklik
  1. kolletjies
  2. toegeplakte
  3. crescendo
  4. swartblink
  5. boerderytake
  6. glinster
  7. onmiddellik
  8. kruisie
  • Waaraan laat A5 en B7 (dansery, onmiddellik) jou dink?
  • B8 en A1 (kruisie, dieseldrom)
  • A2 en B4 (skilpad, swartblink)
  • B1 en A4 (kolletjies, vir)
  • A3 en B2 (bollemakiesie, toegeplakte)

Nuwe idees begin gewoonlik met die kombinasie van dinge wat jy nie sommer vanself by mekaar uitbring nie.

Jy kan hierdie tegniek ook vir ander dinge gebruik. Probeer dit bietjie vir 'n nuwe entrepreneursidee!

Franci Greyling
Terug na skryfgeheime

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.

Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2012