2009-04


jongklomp

versfabriek

Kwetterpret

Die Papagaai

Papagaai met jou groot bos vere,
kyk hoe gaan jy te kere.
Papagaai met jou kromme snawel,
kyk hoe eet jy die koejawel.

Liza-Mari Wolhuter (9) 2008


Kan jy ook kwetterpret skep?

Skryf 'n versie oor voëls of enige ander gevleuelde gediertes.
Luister mooi of die klanke van die versie jou aan dié dier laat dink.

Gebruik die posbus en om jou kwetterpret aan Storiewerf te stuur, en wie weet...

Grietjie

Grietjie Grietjie Grietjie
Sy's 'n grysvoël
kyk hoe sit sy nou.

Grietjie Grietjie Grietjie
Sy's 'n slimvoël
Kyk hoe maak sy my na.

Grietjie Grietjie Grietjie
Sy slaap op een been
Ek verstaan dit nie.

Grietjie Grietjie Grietjie
Sy het swart oë
Sy sien alles raak.

Grietjie Grietjie Grietjie
Sy fluit 'n liedjie
Sy's my kokketiel.

Cari Viljoen (7)

(Woorde het ontstaan met die melodie van Money Money Money van Abba)

Cari Viljoen (7)

 

Vinkies

Twee stoute vinkies raas in die hok
Oeps, o nee wag, ek het gejok.

Drie stoute vinkies besig om te kwetter
Skree snaakse woorde sonder letters.

Pê, Pê, Pê
dit is wat hul sê.

Wê, Wê, Wê
Wat wil julle tog hê!

Die snaakse woorde maak my mal
Ek gaan hul terugkry, ja ek sal.

My ouma gee my raad
Gaan haal my flessie boereraat.

Meng dit met die voëltjiesaad
en speel dan met jou maat.

'n Rukkie later
raak ek kwater.

Maar toe word dit stil
en dit laat my ril.

Ek skrik toe groot
ek dog die vinkies is dood.

Maar toe hoor ek kwetters
woorde met netjiese letters.

Danie Stander (10)

Die voŽltjie


Ek staan langs die stroompie
In die koelte van 'n boompie;

Ek gooi 'n klippie in die water
En hoor 'n voëltjie snater;

Is dit dalk 'n duifie?
Wag, ek sien sy kuifie;

Sowaar, dis 'n Hoep-Hoep
Wat so roep-roep!


Duplessis van Aswegen (8)


Kwetterpret


Eendag, baie lank gelede,
Nee, om te jok is my benede!
Eendag, net so paar jaar terug,
Het ekke so gesug!

Ek was so klein,
En wou 'n voëltjie hê,
En my voëltjie was nooit 'n pyn,
Wens net sy kon iets sê!

Maar, o, sy kon kwetter-
Mens wil haar skoon wetter,
Dit is 'n gesing-
Wat 'n vrolike ding!

'n Kwetter hier,
En dan 'n getjierr!
Dan weer 'n kwetter daar,
Dit klink soos klomp voëltjies bymekaar!


Melissa Nel (11)
Terug na Versfabriek

 

 

 

 


Voordeur en inhoud | Jong woordvrate | Ouer woordvrate | e-pos

STORIEWERF word aangebied saam met woordvrate en storiemakers
van alle soorte en groottes.

Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2014