2013-10


jongklomp

versfabriek

Net vir die pret

My beste maat

Ek hou van jou grappies
Ek hou van jou laggies
Jy is altyd daar
Al is ek nie in gevaar

My hokkie-bokkie
My handjie-tennismaatjie
al dra jy my beste baadjie
jy bly nog steeds my maatjie

 

Lara van den Berg (11) 2013


Skryf jou eie versie vir die pret
- of 'n versie met klanknabootsende woorde


Gebruik die posbus en om jou versie aan Storiewerf te stuur,
en wie weet dalk lees jy dit nog hier!

Leonie polonie
ek hou nie van jou nie
want jy wil my nie ou nie
van jou rooi polonie.

Leonie Tieties (12) 2010

 

Rooikappie bly in die woud
Met 'n tatoo op haar boud.
Hoe het dit gebeur?
En die vraag is: Was dit seer?

Wil jy die storie hoor?
Maak nie saak nie, jy moet maar luister
Kom 'n bietjie nader, ek gaan fluister:

Sy stap in die bos
om haar briefie te pos.
Toe kry sy die nare ou vos.
Hy maak sy bek oop en begin te praat
en voor sy kon keer, was dit te laat.

Hy druk die masjientjie op haar boud
en skielik word sy yskoud.
Van toe af is die tatoo op haar boud.
En dit is die storie van Rooikappie in die woud.

Marianne Breytenbach (13) 2009

Driedubbele whisky 'seblief

Karlientjie van Tewittegraan
het sewentien jaar lank gemoan en groan,
sewentien jaar lank haar kneukels blink gehamer
teen die deur van haar ouers se slaapkamer.

"Mamma, pappa, luister tog,"
pleit sy jaar in en jaar uit.
"Die kinders by die skool spot my
ek wens ek was eerder Anja Nietverbly."

Van Tewittegraan is hopeloos te lank
Karlientjie pas nie in die registerboek -
She's seventeen going on eighteen
and one very depressed and troubled teen.

Op haar agttiende verjaarsdag stap
Karlientjie Van Tewittegraan lank en hard
sy stap na Home Affairs in Kaapstad
en verander haar naam na Mamma se Gat.

In haar probleem-toestand sit sy en dink
haar nuwe naam het agthonderd rand gekos.
Sy weet nie of dit so 'n goeie idee was nie,
die tannie by die till het haar kop geskud en getjie-tjie-tjie

So word Karlientjie van Tewittegraan
bloot Mamma se Gat met 'n traan op haar wang.
Sy loop drie dae en veertien nagte lank
tot sy op Nieu Bethesda aanland.

Daar gekom loop sy die enkele kroeg binne.
Sy kyk rond en plant haar op 'n ho stoeltjie.
Die kroegdame kom nader, "Wat wil jy h my lief?"
Gewese Karlientjie sug, "'n Driedubbele whisky 'seblief."

Mika Stanvliet (17) 2009

 


Ek is Mr. Ples

Hier lê ek al vir jare lank,
gebêre onder die sand,
hoor ek uiteindelik die klank
hier langsaan my regterkant
van mense wat staan en praat.
Maak gou! Dit raak al laat!
Asseblieftog! Haal my uit.
Ek is hier toegesluit.
Dis 'n aaklige tronk.
Julle gepraat maak my kop dronk.
Sjoef! Sfoef! hoor ek bo my kop -
net soos iemand wat was met 'n mop.
My gehoor is nie na wense
so praat 'n bietjie harder mense.
Uiteindelik 'n bietjie lig!
Ek hoor hoe die mense kreun en sug.
Hulle is seker moeg-
om my uit te haal is omtrent 'n geswoeg.
"Ah, bly om jou te ontmoet Mrs. Ples!"
Jy, Mannetjie, gaan leer jou les!
Ek is geen meisie of vroutjie nie.
Ek is 'n volgroeide mannetjie.

Lara Crafford (12) 2008

Probleme met gedigte

Ek het gedink aan 'n gedig
wat ek kon dig:
Die koei spring oor die maan
Maar dit het voor my gegaan.

Van paarym en vrye vers
weet ek niks.
Met personifikasie
kort ek inspirasie.

Dis 'n probleem van epidermiese proporsie.
Toe onthou ek van oom Oubaas.
Van gevleulde woorde weet hy als
beter as A.G. Visser en sy klaas.

Soos die wyse Salomo
soek ek wysheid
maar met 500 vroue
het hy 'n paar gedigte in sy moue.

Toe kom ek op met die gediggie
dis darem nie oor 'n mier of stiggie.
So ek skrywe nou soos 'n digter
en my Pilot Pen glimlag nou breër as die see.

Suelandre Keys (13) 2008

Liewe vader kersfees

Liewe vader kersfees, wat maak u vandag?
'n ponie, 'n rokkie of 'n pop wat kan lag!
Wel dit maak nie juis saak nie, want Kersfees is ver
maar ek skryf nou al my briefie
want ek soek n sker!
'n pienke, 'n bloue of een met 'n wip -
net solank ek hartjies kan knip!
Want ou tant Lien is baie slim
sy het al deur ses vensters geklim
en die dinge wat sy sê is altyd waar
maar ek sien hier kom groot gevaar!
Ek hou van 'n ou met pot blou oë...
maar hartjies knip?!
Ek gaan my kop verloor!
maar ek sê vaarwel, ek het baie werk
my sker moet kom
anders gaan ek my vererg!

Ciska Kruger (11)

Merrie go round

'n Merrie go round is 'n snaakse ding
as jy daarop is, wil jy net sing,
maar wanneer jy afklim, wikkel jou kop,
amper soos ouma met 'n stywe dop!
Al verskil is, my kopseer gaan weg
maar ouma drink pille om die kopseer te veg.
Aai, daardie ouma moet maar besef
'n merrie go round is baie meer pret!

Ciska Kruger (11)

Marila

Marila maroela, Marila maraai
Wie is die outjie, die een wat daar baai?
Marila maroela, Marila maraai
Kyk na 'n pou, hy is net so fraai.
Marila maroela, Marila maraai
Kyk daar verdwyn hy om die draai.
Ag Marila maroela, Marila maraai
Ag. ek hoop om weer vir hom te waai.
Marila maroela, Marila maraai.

Thea Bester (11)

'n Sutherland sonnet

'n Sutherland sonnet -
vier kwatryne plus koeplet.
Jy sal sê dis bog,
maar ek gaan met dit spog.

Dit rym! Dit rym!
Wat kan ek sê?
Die mense lag
soos wat hul lê.

Ek's 'n digter
van formaat...
Word jy jaloers
of word jy kwaad?

Ek moet nou gaan.
My rym is klaar.
My strofes vol.
My brein is gaar.

'n Sutherland sonnet -
vier kwatryne plus koeplet!

Clarisa Sutherland (14)

My rooi bal

Die bal is rooi.
Die bal is mooi.
Ek gooi hom in die lug.
Hy kom weer terug.
Ek gooi hom teen die muur.
Hy hop en skuur.
Ek vang hom weer.
Ek gooi hom nog 'n keer.
Ek skop hom hoog.
Hy trek met 'n boog.
Ek gooi hom deur die ring.
Hy tol en sing.
Ek spin hom in die lug rond.
Hy val op die grond.
Die bal is rooi.
Die bal is mooi,
maar ek is ook nou bloedrooi
van al die gegooi.

Jeanri Mulder (9)

Vlooi, jou ou aap!
Ek wil nou slaap!

Jy is onbeskaaf en onbeskof
HOU NOU OP of.. of.. of..
Ek gaan jou nou kry
Moenie probeer om my nou te vlei

Vroutjie, bring die vlooigif.
Ha! Jou liggaam gaan hier muf!

Totsiens ou pes.
Die goed se naam is Flealess
PSST>>PSST>>PSST>>Daar's die vark dood
Sy kinders, net om my te spite, begrawe hom in my brood!

Este Verhave (13)


'n Herlewing van die opsitkers

Hy kom aangery op sy wit perd
Ek bied aan hom 'n stukkie appeltert
In 'n ry sit my bloedverwante
My Oom, my Ma tot my groot Tante

Reg om my kêrel van my te ontmoet
Groet Jan vir Ma, Oupa en Boet
Almal tevrede, gelukkig mooi reg
glip ek en Jan skelmpies weg

Die opsitkers is aangesteek
Soos Jan naderskuif word ek bleek
Sy hand raak myne, so glad so sag
'n Hoes uit die kamer, Jan verdwyn in die nag

Volgende dag is hy terug om my te sien
'n Stukkie melktert is wat hy verdien
Die lang dag begin: werk op die plaas
Hy melk die koeie, ek maak die kaas

Ons help 'n bietjie hier, ons help 'n bietjie daar
Ditsem! Aitsa ons is klaar!
Ma en Pa is in die kooi
Ek maak myself reg en mooi

Hy steek aan die opsitkers
Soos hy my hand vat word ek pers
Sy lippe raak myne, so glad, so sag
'n Hoes uit die kamer, Jan verdwyn in die nag

N Grobler (13)


my hond

Peanut is 'n liewe ding
hy maak my sing
hy raak sommer laf
wanneer ons gaan draf
hy is bly
wanneer ons saam met hom ry
hy is klein en fyn
en bruin.

Leila van Coller (8)

Klanknabootsing

Die telefoon lui, prieng, prieng...
Dis die 'weeg-minder' maatskappy, dieng, dieng.
Hul wil weet: "Het jy gewig verloor?"
"Nee", sê ek ,"want jul dieët is goor!"
Klik. Ek sit die telefoon neer,
maar ai, ek kan myself nie keer!
Ek gaan klim op die skaal,
en sien ek is skielik weer skraal!
My hartjie is bly, prieng, prieng...
ek het gewig verloor, dieng, dieng!!

Mignon Basson (12)

Terug na Versfabriek

 

 

 

 


Voordeur en inhoud | Jong woordvrate | Ouer woordvrate | e-pos

STORIEWERF word aangebied saam met woordvrate en storiemakers
van alle soorte en groottes.

Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2014