2007-12


jongklomp

versfabriek

'n Dag in Nimmerland

Die engeltjie wat nie kon vlieg nie...

Mona was 'n engeltjie van formaat
Sestien jaar oud, en een vet vraat.
Dus staan sy eendag in die drive way
en gil, "Vandag is die dag! OK!!!!"
Sy sprei haar fyne vlerkies oop
en begin vorentoe hardloop.
Sy klap die vlerkies, lig haar voete
waai haar arms, en vryf haar sproete.
Dis lift off! So skree die kelkiewyn.
Mona land hard in die agtertuin.
Sy was te swaar, vir haar kleine vlerkies
en nou kap sy maar hout saam met die dwergies.

Kinders, hier is 'n vriendelike versoek:
Bly weg van al die sweeties en die koek,
Dis eintlik sleg en weet jy wat?
Mona eet elke aand net rou patat.

Mika Stanvliet (16)

 


Was jy ook al in Nimmerland?

Skryf 'n versie oor Nimmerland of enige ander plek waar kabouters en feëtjies en ander fantasiefigure woon.

Gebruik die posbus en om jou gedig aan Storiewerf te stuur,
en wie weet...

Feetjieland.

Sjuut, wees stil want hier's kleine feetjies.
Trap saggies trap kleine treetjies

Feetjies het die oulikste maniertjies
Saam met hulle slawemiertjies.

Kyk daar, daar in die groen mossies,
daar kruip sy weg agter die bossies.

Wag, kyk daar kom sy aan
en kom stil voor my staan.

Sy vat my hand en fluister: Jy moet saam,
kom jy moet saam met my gaan.

Kom kom, sy vat my hand
en lei my dan na feetjieland.

Ons huppel deur blommelande
daarna verby die mooiste strande.

Dan fluister sy weer sag en sê: Kom ons is hier,
sy is daar agter die klippiesmuur.

Ons kom by 'n ou vroutjie met 'n mooi pers rokkie,
dan vat sy my hand en lei my na haar towerstokkie.

Shh, rinkel, tinkel klein en fyn
en daar staan ek klein met 'n rokkie van sagte satyn.

Kom, kom jy's klein getoor,
sing 'n stemmekoor.

Om my heen is orals feetjies,
en ons stap kleine treetjies.

Sy kom na my, vat my hand
en lei my na feetjieland.

Karien Stopler (13)

Daar is 'n mooi reënboog
baie baie hoog.
En daar is 'n ring
En daar word gesing.

Daar is 'n groot reus
En daarby 'n fees
Almal drink bier
En almal is vol plesier.

Johnathan Fourie (11)

Lolla

"Hallo"
fluister sy
haar hare swiep haar
voete dans
dalk is daar 'n kans?
Dat ek na nimmerland
kan gaan?
of nie...
Haar naam is
Lolla
haar ogies blink en
haar wange is
rooskleurig, in
haar kan ek verdrink
Lolla dra die fynste
klere van akkerblare
en 'n akkerdoppie
sit stewig
op haar koppie.
Haar lippies is
ligpienk van kleur
haar hand vou om myne
net om my mee
te sleur
na haar plek.
Haar wêreld.
Haar lewe.
In Nimmerland.

Mika Stanvliet (13)

Nimmerlandfees

Ek maak my oë toe dan
is ek daar. Verwonderd
kyk ek na, feetjies en
kabouters al spelend
om my rond. Sprokie
paleise lê sag in die
verte. Dit alles maak
jou hart lig.`n Feetjie
kom sit op my grote toon
Sy lei my na die nimmerland
fees.`n Tafel met elke
ding denkbaar gedek. Die
nimmerlandkoning klap
sy hande en almal val
in in die nimmerland fees.
As almal versadig is dan
begin die dans. Die elfie
orkes speel `n vrolike
deuntjie tra la la.
Feetjies elfies en
kabouters dans wielie-
walie en rondtomtalie.
Dis `n dans nooit
te vergete. So nimmer
as nooit.

 

Makushla du Toit (13)

As al die mense ongeskik
En lelik is met my
Is daar een spesiale plek
Wat my van kwaad bevry

'n Plek genaamd Nimmerland
'n Plek wat my kan troos
Al het my vriende my vergeet
En is die wêreld boos...

Daar word ek goed behandel
Soos 'n koning op 'n troon
Daar kan ek ook vergeet
Van die wêreld waar ek woon.

Want hier kan ek myself wees
Maak nie saak wie ek is
Al is ek 'n gorilla, padda of 'n vis

Maar almal het hulself al
In Nimmerland bevind
Van die oudste oupa,
Tot die jongste kind

Want Nimmerland is glad nie
'n dorp, land of plek,
Maar iewers 'n mens wat jou troos
As jy voel soos 'n gek

As almal op jou raas
En lelik is met jou
Is daar mos altyd êrens 'n mens
Wat sy arms om jou vou.

 

Danie Stander (11) George

Een nag het ek my tas gepak
met my wandelstok
op 'n reis gegaan na die melk en heuning
van Nimmerland

opsoek na
Peter-Pan Tinkerbell
Captain Hook
maar gevind

tussen die kwetter van die son
en die jubel van die bome
koddige klein
kaboutermannetjies

wat struwel deur die gras
stoei in die ooptes
hol deur die laagtes
rol oor die hoogtes

wat jagertjie speel
met die wipneus hasies
vroteier met die mossies
onder-handjie-slaan met die klipspringertjies...

Vol amusie het ek op 'n klip gaan sit
en my kyk na hulle kaskenades gekyk -
tot hulle my gesien het,
skugter begin nader het

met klein handjies aan my hart geraak het
in 'n kring om my siel kom sit het
om my kom speel het
om my kom praat het

my vertel van die kwaai kappokkies
- ek hul saak besleg
my sê van die wen teen die veldmuise
- ek skouer-klop gee
my wys waar die muskiete gebyt het
- ek saggies troos;

my vertel die storie van eeue wat in geen boek
ek kon vind.

Ons het die dag omgepraat
en omgelag en omgespeel
tot my nimmerlandspas verstreke was
met hul slapenstyd se koms

het ek die klein kombersies
tot by hulle kennetjies opgetrek
afskeid geneem
en met 'n voller siel

na my eie nimmerland
terug ge keer.

Maar 'n deel van my hart as pand gelos.

 

Bennie Naude (17) Hoërskool Ben Vorster

In feëtjieland is die gras mooi groen,
Daar's kabouters en feëtjies wat huppel en spring,
'n Blaartjie kraak onder die reus se skoen,
En hier kom 'n draakagtige ding!

My gunsteling feëtjie se naam is Sprankel,
En haar van is Dunken,
Ons loop oor 'n bruggie wat wankel,
Kyk, daar's Kabouter Munken!

Die feëtjies kan oor ALLES lag,
Die kabouters wil soms oor party dinge mor,
Feëprinses is streng, maar haar hart is sag,
Hierts! Daar vlieg 'n reuse-tor!

In hierdie land is daar geen motorkar,
Daarom is hul lug so skoon,
Niemand is ooit in 'n harwar,
Koning Matewis sal soetes met kleertjies beloon.

O, dit is 'n Wonderland,
Met sy sagte sand,
Fantasie-wesies, ek sal jul mis,
Kom ons gaan speel, ek wil geen tyd wat ons saam kan wees verkwis!

 

Melissa Nel (11) Laerskool Garsfontein

Die son verdwyn,
verby is die vreselose dag,
die lug verdonker,
dit word eindelose nag.

Venus wys eerste haar gesig,
die ander volg stadig,
die ronde maan,
wys ook haar gesig.

Die tyd van drome is hier,
nagmerries maak kinders bang,
fantasie vlieg rond,
lewe en dood gaan hul gang,

Feetjies en dwergies,
spoke en geeste,
monsters en ruimte wesens,
diewe meeste.

Wonderwerke kan gebeur,
oë kan sien,
liefde kan begin,
ons kan God dien.

Die nag is tyd vir vrese,
dis die tyd vir slaap,
dis die tyd vir donker geheime,
tyd vir die tel van skape.

Nag is betowerend,
gevul met ons verbeelding,
vergete drome bly daar,
nag sing.

Caitlin Tredoux (17) Hoërskool Hermanus
Terug na Versfabriek

 

 

 

 


Voordeur en inhoud | Jong woordvrate | Ouer woordvrate | e-pos

STORIEWERF word aangebied saam met woordvrate en storiemakers
van alle soorte en groottes.

Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2014