2013-12


jongklomp

versfabriek

Om te reis...

Die see

Die see is tog so lekker!
Ses uur lui my wekker.
Ek gaan niks mis.
Dis hoe lekker die see is.

Daar's lekker vars visvleis,
maar die lekkerste is nog die roomys.
Die see, son en blou lug,
sal jou nooit laat sug.

By die see sit jy nooit op 'n bank,
jy's besig die heeldag lank.
Die lekkerste ding by die see, elke keer,
is om tyd met vriende en familie te spandeer!

Twana Nel (10) 2013

My eindelose avontuur

As ek eendag vergaan
gooi my lyk in die vuur.
As jy wag tot ek as word
kan jy my saam die wind stuur.

Dan kan ek swiep deur die lug
en die wêreld verken.
Sonder sorge, sonder pyn
is ek glad nie getem

eers die bosveld en strand
voor ek die stad gaan verkyk
of – as ek gelukkig is
sommer al drie gelyk.

‘n Krummeltjie Ek
speel in Bermuda se driehoek
terwyl nog ‘n korreltjie
na ‘n Swart Gat gaan soek.

Dan los ek al die raaisels op
wat die slimmes so versuur
in my reis van ‘n leeftyd;
‘n eindelose avontuur

Lourien Leeuwner (16) 2013


Reis jy saam?

Gebruik die posbus en om jou gedig oor
reis en reisigers deur die lewe aan Storiewerf te stuur,
en wie weet...

Afgrond

Hy hang teen die kruin, die ewige strateeg
Sy rugsak vol, maar sy lewe leeg
Teen gletsers het hy al sy merk gelaat
Maar in voleinding sal dit hom nie baat

Baie berge het hy geklim, bo elkeen uitgerys
Soos 'n akkedis klou hy met sy hamer aan die ys
Sy plan is volmaak uitgedink, oor elke stap besin
Hy wéét dié kruin is volgende, hy sal die berg oorwin

Met ywer klim hy verder, hy's amper op die kruin
As hy bo kom, dit wéét hy, koerante sal dit uitbasuin
Hy's die beste, hy's die wenner, hy vra van niemand raad
Maar uiteindelik, in voleinding, sal dit hom nie baat.

Angie Gallagher (14)

Lande

Skool is verby vir ses lang weke,
wat sal ek doen?
Ek het 'n fiets met speke...
en een langtree skoen.

Waar sal ek gaan?
Wat is dit hierdie keer?
'n Rit na die maan?
of 'n roeitog op die meer.

Nou weet ek ewe skielik!
Lande is die plek vir my!
ek draf my oor 'n mik...
om fiks te bly!

Spanje, China, Amerika!
ek moet my reistog goed beplan.
anders word ek aangekla!
miskien alleen, miskien met 'n hele span!

Goed en dis hoe dit sal wees.
Eers is dit Amerika en daarna Japan,
of...Berlyn, die mense sonder vrees.
en daarna China vir die tjing tjong tjang

1 Week in Amerika,
1 Week in Berlyn,
1 Week in China,
1 Week in Tornyn...

Daar is nie regtig `n Tornyn nie,
net in my verbeelding.
Miskien verstaan jy nie,
Dis net as ek sing

(Sing)
Dat jy verstaan,
in ons verbeelding
kan ons mal gaan
dinge doen en sing
speel en vertrek na die maan!
Dis net as ek sing
dat jy verstaan.

Mika Stanvliet (11)

Die Lande

Na 'n land wil ek reis,
wat van die land van ys?
Daar kan ek bly,
maar ek dink ek gaan te maklik gly.
Nee, Ysland is nie die land vir my.
Wat van die land tjing, tjong, tja,
Ja dis reg Shina,
Maar al praat hul oor die son of oor die maan.
Ek sal hulle al steeds nie verstaan.
Orals waar ek sal gaan of lei
dink ek, ek sal eerder in my eie land bly.

Engela Mayer (11)

Terug na Versfabriek

 

 

 

 


Voordeur en inhoud | Jong woordvrate | Ouer woordvrate | e-pos

STORIEWERF word aangebied saam met woordvrate en storiemakers
van alle soorte en groottes.

Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2014