2011-04


jongklomp

versfabriek

Skep seisoenmusiek

Winter
is 'n tjello.
'n Sneeustorm
is 'n lied in mineur
Geheimsinnig, vreemd,
alleen.
Winter
is 'n tjello.
'n Kaggelvuur
is 'n lied in majeur.
Warm, diep,
vriendelik.
Winter
is 'n tjello.

Jeanette van As (12) 2011

 


Verstaan jy hoe seisoenmusiek werk?
Aan wat se instrument laat winter jou dink? En somer? Herfs?

Skep jou eie seisoenmusiek...

Gebruik die posbus en om jou gedig aan Storiewerf te stuur,
en wie weet...

Klarinet

Klarinet....klanke van die vier seisoene
Soos musiek van Vivaldi borrelend uit
Somerreën het neergesak
Herfsblare.....fladder plotseling neer
Wintermusiek wat saggies die ore streel
Lentebloeisels en voëltjies wat sing.

Sven Benson (13) 2009

Vioolklanke is wintermusiek
hártseermusiek
kaal takke
teen die lug.

 

Tromgeroffel -
warm somernagte
'n stofrooison
op die horison.
'n Ronde maan.

Winter is sinjale
wat hard en aaneen fluit.
Winter is dromme
wat jou dieper in jou bed laat kruip.
Maar winter is soos 'n viool
wat rustig, sag kan speel.
Winter is musiek wat jou ore saggies streel.

Amabel Benade (14)

 

In die herfs waai die blare
soos kitaarsnare deur die lug,
deur my vingers soos vlamme.
Die wind klink soos 'n kind wat huil
in die stilte van die nag.

Ané Smith (14)

 

'n Panfluit laat my dink aan
die lente.
'n Voëltjie wat sing
wind wat deur die bome suis
met insekte se fyn geluide.

Lente Geldenhuis (14)

 

Die note van die klavier in die herfsmaande
die blare fladder in die koue aande.
'n Kaggel is net reg
dan is die herfs weer weg.

Franco de Bruin (13)

 

Kitaar is helder klanke
wat oor die vlakte sweef
en daar is blare onder die bome
wat heen en weer waai.
Dit is die klank van die herfs.

Hugo Engelbrecht (13)

 

Saxofoon
op 'n koue nag
met die mis wat
in die more wag.

Kobus van den Berg (13)

 

Dromme en simbale
soos die donderstorm in die dale
somerreën het weer gekom.

Doné Bester (14)
Terug na Versfabriek

 

 

 

 


Voordeur en inhoud | Jong woordvrate | Ouer woordvrate | e-pos

STORIEWERF word aangebied saam met woordvrate en storiemakers
van alle soorte en groottes.

Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2014