2013-12


jongklomp

versfabriek

Sport

Die hokkiefinaal

Daar’s 10 groen truie, en 10 rooi
en 2 goalies in swart getooi.
Almal se oë is gerig op die bal
in watter doelhok sal hy eerste val?

Waarheen gaan die trofee vanjaar?
Dis wat die wedstryd sal bepaal.
Die toeskouers sit gespanne en staar
en hoop húlle span wen die hokkiefinaal.

‘n Rooitrui-outjie het die bal gekry
en skiet lag-lag by sy opponente verby.
Hy slaan en die bal trek weg met ‘n spoed
ongelukkig is die doelwagter net té goed

Die gejuig op die pawiljoen hou op
hul opgewondenheid het skielik gestop
so ampertjies het hulle ‘n doel gehad
wat hul span met die voorsprong sou laat.

Na wat voel soos eeue se vasbyt
is dit die einde van die wedstryd
maar niemand het ‘n punt behaal
so niemand wen die beker van die hokkiefinaal.

Lourien Leeuwner (16) 2013


Waar is jou sportgedig?

Skryf 'n gedig oor jou gunsteling sport.

Gebruik die posbus en om jou gedig aan Storiewerf te stuur,
en wie weet...

Die groot hou

Die bouler staan reg, hy is vasberaad
netjies en skoon in wenformaat.

Die kolwer kyk voor hom, hy staan gereed.
Die bouler is besig om sy tree te meet.

Daar begin die aanloop, hy boul so vinnig soos blits
die bal kom met 'n spoed aangerits.

Die kolwer konsentreer, hy wag vir die bal
en toe hoor die skare 'n grote knal.

Daar gaan die bal oor die verre grens.
Sjoe, ek het nog altyd vir 'n ses gewens.

Lodewikus Wandrag (14) 2009

Terug na Versfabriek

 

 

 

 


Voordeur en inhoud | Jong woordvrate | Ouer woordvrate | e-pos

STORIEWERF word aangebied saam met woordvrate en storiemakers
van alle soorte en groottes.

Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2014