2001-04-01

werfjoernaal

werkplaas

 

3. 'n Blik in verskillende rigtings

Vir eers sal ons konsentreer op die skryf van kinderboeke. Hierna sal ons die skryf van fiksie vir volwassenes aandurf. Daarna biografiese werke en nie-fiksie.

Verskillende kinderboekstyle

Alle uitgewers tref nie noodwendig dié gedetailleerde onderskeid nie.

1. Bababoeke: Vir die klein kindjie en jong kleuter. Hierdie boeke bevat oor die algemeen wiegeliedjies, kinderversies en vingerspeletjies. Sommige boeke het geen woorde nie, maar bestaan slegs uit prente. Die lengte en uitleg verskil na gelang van die inhoud.

2. Kleuterboeke: Baie eenvoudige stories van minder as 300 woorde vir die ouderdomsgroep 1-3. Temas is gewoonlik oor dinge wat bekend is in die kind se daaglikse lewe, of is begripsboeke (bv. die aanleer van kleur, nommers, vorms en diere). Boeke is kort (oor die algemeen twaalf bladsye). Die basis van die boeke kan karton wees, opspring, opvou of opwipkante en enige nuwigheid bevat. Selfs geluide maak, alhoewel hierdie boeke se basis van 'n ander tekstuur as karton is.

3. Prenteboeke:. 'n Prenteboek is 'n boek waarin sketse net so 'n belangrike rol speel soos die woorde self. Tradisioneel word prenteboeke ook "prente-storieboeke" genoem. Hierdie boeke is gewoonlik ongeveer 32 bladsye en gerig op die ouderdomsgroep 4-8-jaar (afhangende van die uitgewer). Die lengte is so om en by 1500 woorde, maar oor die algemeen beslaan hierdie manuskripte uit so 'n 1000 woorde. Eenvoudige komplotte, geen sub-komplotte of gekompliseerde kronkelinge nie. 'n Enkele hoofkarakter wat die kind se emosies aanhang, beskryf en uitleef. Die sketse op elke bladsy of elke tweede bladsy, speel net so 'n belangrike rol in die vertel van die verhaal as die woorde self. Selde sal die prenteboek se woordspeling 1500 oorskry; hierdie is gewoonlik die geval wanneer die boek gerig word op die ouer afdeling van lesers in hierdie groep. Prenteboeke beslaan 'n wye veld van style en onderwerpe. Die nie-fiksie formaat van prenteboeke kan maklik tot en met die ouderdomsgroep van 10 gerig word en 48 bladsye en by die 2000 woorde bevat.

4. Vroeë ouderdom prenteboeke: Dit is die term wat gebruik word vir die boeke wat gerig word op die laer ouderdomsvlak van 4-8-jariges. Hierdie verhale is eenvoudig en bevat minder as 1000 woorde. Baie van die vroeë prenteboeke is herdruk in die kartonboek formaat en het daardeur die leserskring in hierdie afdeling baie uitgebrei.

5. Maklike lesers: Word ook genoem "maklik om te lees" boeke. Hierdie boeke is gerig op die jong kind wat so pas op hulle eie begin lees. Ouderdomsgroep 6-8-jaar. Daar is kleursketse op elke bladsy soos 'n prenteboek, maar die formaat is meer "groot of volwasse" - kleiner vorm, partykeer selfs afgebreek in kort hoofstukkies. Die lengte van hierdie boeke wissel na gelang van uitgewers. Die boeke kan 32-64 bladsye beslaan, tussen 200-1500 woorde. Die stories word in grammaties eenvoudige sinne vertel en bevat heelwat aksie en dialoog. Een gedagte per sin. Paragrawe bestaan uit 2-5 sinne.

6. Oorgangstydperkboeke: Die boeke is ook bekend as die "vroeë hoofstukboeke" en is gerig op die ouderdomsgroep 6-9-jaar. Dit is die oorgang van jong lesers tussen Maklike lesers en Hoofstukboeke. Hierdie skryfstyl is baie soos dié van die Maklike lesers boeke. Die Oorgangstydperkboeke is langer. Die manuskripte is so 30 bladsye lank en gedeel in 2-3 bladsy hoofstukke. Die boeke is effens kleiner in grootte met swart en wit sketse op elke paar bladsye.

7. Hoofstukboeke: Hierdie is vir die ouderdomsgroep 7-10 jaar. Manuskripte beslaan tussen 45-60 bladsye, gewoonlik gedeel in 3-4 hoofstukke. Die verhale is dikker as die Oorgangstydperkboeke, maar bevat nog steeds voldoende aksie. Die sinskonstruksie is 'n klein bietjie meer gekompliseerd, maar die paragrawe moet steeds kort gehou word (nie meer as 4 sinne nie). Die hoofstukke eindig te midde van 'n gebeurtenis of toneel om die leser aan te moedig om verder te lees.

8. Middegrade boeke: Die goue era van lees vir menige kinders, ouderdom 8-12-jaar. Manuskripte word nou 100-150 bladsye lank en die verhale meer gekompliseerd. Die storie is deurvleg met newekarakters wat deel vorm van die sub-komplot. 'n Meer gesofistikeerde tema. Op hierdie ouderdom raak die jong leser verslaaf aan karakters. Dit verduidelik ook hoekom 'n reeks van 20 of meer boeke wat dieselfde karakters bevat so uiters gewild is onder die jong lesers. Fiksiestyle wissel van moderne, geskiedkundig, buitenste ruimte fiksie/fantasieë/verbeeldings-vlugte tot by nie-fiksie wat biografie, wetenskap, geskiedenis en verskeidenheid kulture insluit. Onthou jy die Trompie-reeks? Goeie voorbeeld.

9. Baie jong volwassene boeke: Nuwe generasie boeke vir die jong leser wat 'n jong volwassene is, maar nog nie heeltemal reg en vatbaar is vir die lees van die jong volwassene boeke nie. Ouderdomsgroep 10-14-jaar. Hierdie lesers hou veral van die nie-fiksie leesstof. Hierdie manuskripte is korter as die normale 12 en ouer afdeling. Die temas van die fiksie sowel as nie-fiksie is geskik vir die jong leser wat die middegrade boeke ontgroei het, dog nog nie heeltemal gereed is vir die jong volwassene boeke nie.

10. Jong volwassene boeke: Vir die ouderdomsgroep 12 en ouer. Manuskripte is tussen 130-200 bladsye lank. Temas is gekompliseerd met verskeie prominente karakters - een hiervan die hoofkarakter waarom die storie draai. Die storie of tema moet beduidend wees op die algemene lewenstyl, probleme, oplossings, lag, huil, ensovoorts van vandag se jongmens en tieners. Die jong leser moet hom/haarself kan vereenselwig met die karakters van die boek.

11. Volwassene: fiksie, nie-fiksie en biografie. Uitsluitlik geskryf vir die volwassene. Op 'n later stadium sal hierdie afdelings volledig behandel word.

Opdrag

Skryf tien onderwerpe neer wat aanleiding kan gee tot enige van die volgende:

  • Bababoek
  • Prenteboek
  • Kleuterboek
  • Vroeë ouderdom prenteboeke
  • Junior ouderdom fiksie
  • Maklike lesers
  • Oorgangstydperk boeke
  • Hoofstukboeke
  • Middegrade boeke
  • Jong volwassene
  • Volwassene

e.t.

3
hierdie werkstuk
'n Blik in verskillende rigtings
2 4
vorige werkstuk
Om 'n suksesvolle skrywer te wees
volgende werkstuk
Laat jou stem gehoor word

 

 

 

 

 

 

Voordeur en inhoud | Jong woordvrate | Ouer woordvrate | epos


STORIEWERF word aangebied saam met woordvrate en storiemakers
van alle soorte en groottes
Gebou en onderhou deur Franci Greyling

(C) Franci Greyling 2000-2005