Kom saam op safari en ontmoet die groot katte van die wereld. Sluit aan by `n jagtog van die koning van die diere, hardloop soos die wind saam met die jagluiperd en kruip saam met die tier in die lang gras weg! Die boek met sy pragtige illustrasies neem jou van die snikhete grasvlakte in Afrika waar die leeus brul tot die ysige sneeulandskap waar die sneeuluiperd woon. Op jou reis sal jy sien hoe hierdie fassinerende diere hulle kleintjies grootmaak, hul gebied afbaken en jag.