Ek het kleintyd enigiets gelees waarop my hande kon lê. Gunstelinge wat ek uit my laerskooldae onthou, sluit Marius se merkwaardige medisyne (Roald Dahl), Leandie en die wonderklimtol (Erna Moller) en CJ Langenhoven se spookstories in. Ek het vroeg ook Engels begin lees en dit het gehelp om hierdie Afrikaanse plaasseun wat in die Boland grootgeword het, vandag tweetalig te maak.