Kuier by…

‘n Tweede lewe vir Die pro: Leon de Villiers gesels oor die verfilming van Die pro en die ervaring om na soveel jare die karakters op die groot skerm te sien. Ruan Fourie het die vrae gevra.

Annelie Ferreira het reeds twee keer die Sanlam-prys vir haar jeugromans ontvang. Clara Kirstein het met haar gesels oor Chuck Norris kan deel deur nul.

Zinelda McDonald het onlangs haar eerste prenteboek Die Coolste Ouma op Aarde saam met Marita van der Vyver voltooi. Deon Meiring het met haar gesels oor die opwinding van haar eerste prenteboek en haar werk as illustreerder.

Jaco Fouché se eerste jeugroman, Siobhán van die sirkus, het in 2014 verskyn. Clara Kirstein het vir hom ‘n klompie vrae gevra oor die boek en oor skryf.

Marga Jonker se jeugroman, Brigadier en die raaiselponie, is haar tweede roman oor perde. Sanna Fouché het met die skrywer gesels oor die boek, haar skryfproses en haar liefde vir perde.

Hans du Plessis is ‘n woordmens van formaat: navorser, akademikus, digter, dramaturg, rubriek-, roman- en jeugboekskrywer. Chantel Robijn het as skryfkunsstudent met die gewese direkteur van die ATKV-Skryfskool gesels.

Die 6de titel in die Speurder Kwaaikofski-reeks, Speurder Kwaaikofski: Honde, hoede en hande het onlangs verskyn. Die reeks is in Afrikaans vertaal deur Kobus Geldenhuys. Hevette le Grange het ‘n paar vrae aan die skrywer, Jürgen Banscherus gevra.

Nelia Engelbrecht is ‘n veelsydige skrywer. Haar jongste jeugroman, Die vierletterwoord, het in 2013 verskyn. Hendriëtte Janse van Rensburg het as skryfkunsstudent haar geraadpleeg oor hoe om sukses as skrywer te bereik.

Nanette van Rooyen se jeugboek Ek was hier is bekroon as wenner van die ATKV-Jeugromankompetisie 2011. Leonora van Rooyen het met haar oor die roman en die interessante karakters gesels.

Wendy Maartens is die skrywer van boeke soos “Lena se bottelboom” en “Prinses mossienes” Sy het Laerskool Mikro besoek waar Alize van Vuuren haar uitgevra het oor haar liefde vir stories en skryf.