Die grootste, die kleinste, die vinnigste, die gehardste, die vreemdste . . . jy sal hulle almal in DIERE vind! Begin jou reis met ’n volledige inleiding oor die dierekoninkryk. Die klassifikasie van diere, roofdiere en prooi, habitats en lewensiklusse word ondersoek.
Die verskillende afdelings kyk na al die grootste dieregroepe, onthul hul wonderlike lewens, hul stambome en sleutelfeite oor elkeen. Jy sal vlermuise en visse, leeus en lemurs, paddas en pikkewyne, walvisse en walrusse en nog vele vreemde en wonderlike diere in hierdie fantastiese ensiklopedie vind.