Soos ’n mens van die ti tel kan aflei, is Maklike soet happies vir kinders bedoel vir enigeen wat vir hul kind die perfekte partytjie wil gee sonder om die begroting te knou of ure in die kombuis deur te bring. Met betreklik min, algemeen beskikbare koekies, lekkers en versierings is dit moontlik om ’n verskeidenheid partytjie-soetgoed vir ’n seun of ’n dogter te maak. Van die temas sluit in Voertuie en Vliegtuie, Ruimtewesens en Grillerige Goed, en Prinsesse en Fantasiewoude. Leer hoe om malvalekkers, roomyshorinkies, Rice Krispies, mariebeskuitjies en ’n verskeidenheid lekkertjies te omtower in ’n oorvloed figuurtjies, diere en vorms wat jong partytjiegangers sal verstom. Pragtige fotografie prikkel die verbeelding en danksy duidelike aanwysings en nutti ge wenke, sal jy in ’n japtrap self aanloklike eetgoed vir ’n kinderpartytjie kan maak.Inhoud:

•Inleiding
•Basiese Resepte
•Voertuie en Vliegtuie
•Ietsie vir Die Liefde
•Prinsesse
•Teepartytjies
•Fantasiewoude
•Ruimtewesens en Grillerige Goed
•Mannetjies
•Malvalekkers
•Mariebeskuitjies
•Rice Krispies
•Ietsie Ekstra