Daar`s kougom in my hare,dit is stewig vasgeplak.
My ma sê: “Ek wil nou weet wie`t die simpel poets gebak!”
Maar ek sê nie `n woord nie …
(Dit was daai peslike Werner de Witt, maar ek het eerste die kakkerlak in sy pousebroodjie gesit … )

Was jy al ooit kwaad genoeg om doringdraad te kou?
Wat is regtig in die skoolsnoepie se pasteie?
Waarom het die dodo gesterf?
En smaak enige iets slegter as Brusselse spruitjies?

Jaco Jacobs se splinternuwe bundel met meer as 40 lawwe, lawaaierige lekkerlagverse is tonne pret!