STORIEWERF word aangebied saam met woordvrate en storiemakers van alle soorte en groottes.
Die konsep is ontwikkel deur Franci Greyling wat ook die werf bou en onderhou.
Vakgroep Skryfkuns, Noordwes-Universiteit.
Die webtuiste is in 2019 herontwerp en spog vanaf 1 Oktober 2019 met ‘n nuwe baadjie.
Storiewerf, ‘n webtuiste vir die bevordering van kinder- en jeugliteratuur en jong skryftalent, bestaan reeds sedert 2000. Met die ontstaan van Storiewerf was die internet nog in sy kinderskoene en was tafelrekenaars met klein monitors en inbelmodems die standaardmanier om toegang tot die internet te kry en inligting te kan lees. Sedertdien het die tegnologie met rasse skrede ontwikkel. Nou het gebruikers ‘n veeltal toestelle met verskillende skermgroottes met vinnige verbindings tot die internet wat bykans altyd en orals beskikbaar is.
Befondsing deur die PUK-Kanselierstrust en die Vakgroep Skryfkuns aan die NWU het dit moontlik gemaak om die webtuiste te herontwerp en op ‘n nuwe platform te publiseer. BlueTek, Potchefstroom, het die tegniese ondersteuning en herontwikkeling onderneem en gesorg dat die boekdatabasis van bykans 1000 Afrikaanse kinder- en jeugboeke wat sedert 2000 by Lapa en NB-uitgewers verskyn het, na die nuwe platform oorgedra word. Die visuele ontwerp is die werk van Franci Greyling met ondersteuning van Kevin Hechter (BlueTek). Magde-Mari Fourie en twee Skryfkunsstudente, Kayla-Mari Geyer en Karla Cloete, het gehelp om die meerderheid artikels vanaf die “ou” na die “nuwe” Storiewerf oor te dra. Hartlike dank.
SDG
Kontakbesonderhede
franci@storiewerf.co.za
Storiewerf
Posbus 20582
Noordbrug
2522